Viyan Egîd/Qamişlo
Îro li bajarê Qamişlo Dezgeha Xêrxwaziya Berzanî li 500 malbatên Efrînî yên koçber alîkariyên cur bi cur li stadiyoma 12`ê Adarê pêşkêş dike.
Di çarçoveya kar û çalakiyên Dezgeha Xêrxwaziya Barzanî li bajarê Qamişlo, ev 16 roj in ku alîkariyê li ser koçberên ku li mizgeft û dibistanan, di heman demê de koçberên ku niha di malan de jî niştecih bûne bi rêya komînan û bi awayekî rêxistinî, tê belavkirin. Dezgeha Xêrxwaziya Berzanî îro li satadiyoma 12`ê Adarê ya bajarê Qamişlo alîkariyên cur bi cur ji 500 malbatên koçber re, pêşkêş dikin. Di vê çaeçoveyê de berpirsê ragihandinê ya Dezgeha Xêrxwazên Berzanî ya li Dihokê Dilawer Behlewî ji Rojnameya me re axivî.
Dilawer Behlewî da diyar kir ku ev bû 16 roj in ew derbasî Rojavayê Kurdistanê bûne û gelek alîkarî ji koçberan re hat pêşkêş kirin û wiha domand: “Îro dibe 16 roj in ku Dezgeha Xêrxwaziya Berzanî hatiye Rojavayê Kurdistan, her wiha armanca hatine me ew e ku em barê koçberan sivik bikin. Ji bo wê alîkarî ji koçberên di dibistanan û mizgeftan re hat belav kirin, di heman demê de îro jî me ji 500 malbatên ku koçber bûne û di malên kirê de dimînin, me hazir kirine û em ê radestî wan bikin. Ev alîkarî cur bi cur in ku ji xwarin, vexwarin û pêdiviyên jiyanê yên serke pêk tên. Bê guman alîkariyên ku tê kirin tenê bajarê Qamişlo nîne, her wiha ji Hesekê heyanî Dêrikê ev alîkarî ji koçberan re tê pêşkêşkirin, helbet ev kar û xebat dê berdewam be, niha jî me dest bi cara duymemîn a belavkirina alîkariyan kiriye.”
