Lîloz Hisên/Qamişlo
Bi armanca parastina gel, tax û rûmeta xwe jinên komîna Şehîd Lewend ya taxa Kornîş li bajarê Qamişlo tabûreke xweser ku ji 22 jinan pêk tê bi navê Denîz Çiya raghandin.
Jinên taxa Korînş ya bajarê Qamişlo li komîna şehîd Lewend ji bo bersivdayîna banga seferberiya giştî ya ku Rêveberiya Xweser raghandibû, tabûreke bi navê Şehîd Denîz Çiya jina ku li ser destê çeteyên girêdayî hikumeta demikî ya Şamê ve temsîl bi cenazeyê wê kiribûn, ava kirin.
Di raghandina tabûra xweser de bi navê Şehîd Denîz Çiya, Wedîha Wankê tezek kir ku ji bo bîranîna şehîd Denîz ev tabûr hat ava kirin û wiha anî ziman: “Em ê tol û heyfa şehîdên xwe rakin, herwiha her dem em ê piştgiriya şervanên xwe bikin û em tu carî dev ji axa xwe bernedin. Weke şerê gelê şoreşger em ê xwedî li axa xwe derdikevin, çi ji me bê xwestin em ê amadebin. Ev 14 salin em ji bo bidestxistina mafê xwe şer dikin û em amade ne ku hîn jî şer bikin da ku em mafê xwe misoger bikin û bighêjin azadiya xwe.”
Wehîda Wanikê di berdewamiya axaftina xwe de tekez kir ku ew ê rêya şehîdan bişopînin bi heya dilopek xwîn di laşê wan de hebe û wiha gotina xwe bi dawî kir: “Mil bi mil, di çeperên şer de bi şervanên xwe re ne, bi hemû awayên ku tê xwestin em ê piştgiriyê pêşkêş bikin, em taxên xwe diparêzin heya destê sibehê û wiha em ê berxwedana xwe berdewam bikin ji bo parastina welatê xwe bikin ji çeteyan. Êdî bese ji qirkirin, zilm û zordariya ku li ser gelê kurd pêk tê. Bi yekîtiya gelê hilbet em ê biserbikevin û serkeftin wê ya me be.”
Hêjayî gotinê ku endamê tabûra xweser ya bi navê Denîz Çiya ji 22 jinan pêk tê.
