Ayşa Silêman/ Dêrik
Meclisa Rûsipiyên Eşîran li bajarê Dêrikê bi yek dengî soza destekdayîna hêzên QSD’ê dan û bi daxuyaniyekî barê seferberiyê girtin ser milê xwe.
Di destpêka daxuyaniyê dest nîşan kirin ku êrişên berdewam ên ku ji hêla hikumeta demkî û komên hevalbend ve li dijî deverên me yên ewle têne kirin, şermezar dikin. Ev binpêkirineke eşkere ya hemû peyman û têgihiştinên ragihandî ye, paşguhkirina tevahî soz û erkên ku ji gelê vê herêmê û ji raya giştî re hatine dayîn e. Tiştê ku diqewime bi tu hincetan nayê rewakirin. Ev êriş rasterast li ser sivîlên bêçek e, mînaka berçav êrişa li taxên Şêx Meqsûd û Eşrefiyê, bi rêya topbaran û operasyonên leşkerî, bûn sedema kuştin û birîndarkirina jin û zarokên bêguneh. Ev binpêkirinek eşkere ya hemû prensîbên mirovî û peymanên heyî ye, êrişek piralî li ser ewlehî û aramiya Bakur û Rojhilatê Sûriyeyê ye, israr li ser siyaseta hêzê li şûna aqilmendiyê ye û li şûna çareseriyê, aloziyê zêde dike.
Di berdewamiya daxuyaniyê de wiha hat gotin: ” Berdewamiya van êrişan dê herêmê ber bi encamên cidî ve bibe ku ew ê berpirsiyariya tevahî hilgire ser xwe. Divê ew kesên ku ev şer gur kirin û di wê de israr kirin hesab bidin. Em bi lez daxwaza rawestandina tavilê û bê şert û merc a hemû operasyon û êrişên leşkerî li ser herêmên me dikin. Her wiha em daxwaza pabendbûneke tevahî û cidî ji bo parastina sivîlan û binesaziyê dikin. Wekî din, em daxwaza pabendbûna bi peymanên îmzekirî bêyî xapandin. Divê ew kesên ku bi zanebûn herêmên me hedef digirin hesab bidin.”
Di dawiya daxuyaniyê de wiha hat gotin: ” Em daxwaza bidawîanîna erêşên herêma me di nav çerxek nû ya kaos û wêraniyê de dikin. Eşîrên me, ku beşek yekgirtî ya tevna Sûriyeyê ne, her gav pabendî aramî û ewlehiya Sûriyeyê bûne û wê bimînin. Lêbelê, ew ê bêçalak nemînin dema ku gelê wan, rûmeta wan û mafê wan ê ewlehiyê tê binpêkirin. Em li dijî xefikên berdewamiya vê nêzîkatiyê hişyar dikin û piştgiriya xwe ya bêdawî ji bo hêzên me. Hêzên Sûriya Demokratîk ev ax parastine û bi hezaran can feda kirine.”
