Navenda Nûçeyan
Fermandariya Giştî ya YPJˊê diyar kir ku ew berxwedana bêhempa ya gelê Şêxmeqsûd û Eşrefiyê silav dikin û got, “Çeteyên dewleta Tirk dibêjin YPJ û YPGˊê di şerê Şêxmeqsûd û Eşrefiyê de ne. Tu hêzên me li wir wir nîn in, lê ger gelê me daxwaz bike em ê parastina wan bikin.”
Fermandariya Giştî ya Yekîneyên Parastina Jin (YPJ) bi daxuyaniyekê diyar kir ku çeteyên hikumeta demkî û dewleta Tirk êrişî taxên Şêxmeqsûd û Eşrefiyê dikin dibêjin YPJ-YPGˊê di şerê wan taxan de ye, lê ev îdia ne, tu hêzên YPJˊê li wir nîn in.
Daxuyanî wiha ye:
“Em di serî de êrîşên ku li dijî taxên Şêxmeqsûd û Eşrefiyê bi awayekî hovane ev sê rojin berdewam dike, şermezar dikin. Di van êrîşan de heta niha bi dehan welatî şehîd û birîndar bûne. Di dîroka şerê gel ê şoreşgerî de berxwedaniya gelê Şêxmeqsûd û Eşrefiyê mînaka rûmetê ye. Vî gelê berxwedêr li hember desthilatdariyê ti caran serê xwe netewandiye û her daxwaza azadiya xwebirêvebirinê kiriye.
Li kêleka van êrîşên bê serûber êrîşeke şerê taybet ji aliyê çeteyên dewleta Tirk û fasîleyên HTŞ’ê ve li ser Medyaya Civakî ve tê meşandin. Dixwazin wisan nişan bidin ku gelek hêzên YPJ-YPG di şerê Şêxmeqsûd û Eşrefiyê de dîl hatine girtin. Tu hêzên me bi tu awayî di Şêxmeqsûd û Eşrefiyê de cih nagrin. Ev tenê îdîan e, ti rastiya xwe tune ye. Lê belê ger ev êrîş heman awayî berdewam bike û gelê me yê berxwedêr ji me daxwaz bikin ku em parastina wan bikin, wek Yekîneyên Parastina Jin, ne tenê ji bo Helebê, ji bo giştî parastina gelê Sûriyê em amade ne ku tê bikoşin. Em berxwedaniya bêhempa ya gelê Şêxmeqsûd û Eşrefiyê silav dikin, ji malbatên şehîdan re sersaxî û ji birîndaran re şifa dixwazin.”
