Hêvî Keleş/ Qamişlo
Pêşangeha Hunerên şêwekariyê bi dirûşmeya “Hunera şêwekariyê piran di navbera gelan de ava dike”li bajarê Qamişlo bi beşdariya 71 Şêwekaran ji herêma Cizîrê dest pê kir, ku rola hunerê di avakirina piran di navbera gelan de nîşan dan.
Îro Desteya Çandê ya Kantona Cezîrê bi hevkariya Komîna Wênesaziyê, pêşangehek hunerî bi dirûşmeya “Huner piran di navbera gelan de ava dike” li Navenda Çand û Hunerê ya Mihemed Şêxo ya li bajarê Qamişloyê bi beşdariya 71 wênesazan û nûnerên Rêveberiya Xweseriya Demokratîk, saziyên civaka sivîl, li dar xistin.
Pêşangeh dê sê rojan bidome û beşek ji projeyek hunerî ye ku di sala 2018”an de li seranserê Bakur û Rojhilatê Sûriyeyê dest pê kir û her sal di meha kanûnê de tê lidarxistin.
Armanca pêşangehê piştgirîkirina wênesazan e, ronîkirina tevgera hunerî ya li herêmê, her wiha ronîkirina çand û têkoşîna herêmê û bi rêya hunera dîtbarî bîranîna şehîdên wê ye.
Pêşangeh bi deqeyek bêdengiyê li ser giyanê şehîdan vebû, piştre hevserokê Meclisa Rêveber a herêma Cezîrê Hesen Şero axivî û tekez kir ku pêşangeh yek ji destkeftiyên şoreşa Bakur û Rojhilatê Sûriyeyê ye û encama têkoşînek 14 salan e. Wî destnîşan kir ku Rêveberiya Xweser tevî astengiyan jî piştgiriya çalakiyên çandî û hunerî berdewam dike û di qonaxa pêş de li ser pêşxistina wan dixebite.
Di dawiya çalakiyê de, beşdar ber bi hola pêşangehê ve çûn û şerîta vekirinê li wir hate birîn. Paşê mêvanan li berhemên hunerî yên ku çand, mîrat û cihêrengiya civakê nîşan didan geriyan, di heman demê de aliyên êş û hêviyê jî ronî dikirin û tekezî li ser rola hunerê di parastina bîranînê û avakirina mirovekî azad ê ku dikare xeyal bike de dikirin kirin.
