Esmihan Gedro/Reqa
Jineolojî kombûna jinan a Zenûbya û meclîsa jin a Kongreya Îslama demokratîk li bajarê Reqayê panelek li ser çanda satî bi rêxistin kirine.
Meclisa Jinan a Kongreya Îslama Demokratîk, bi hevkariya Akademiya Jineolojiyê, li bajarê Reqayê li ser Asta Bajarê Reqa , Tebqa û Dêre Zor panelek bi sernavê “Li Dijî Çanda Satî Jin, Jiyan, Azadî” li dar xist.Panel li hola kombûna jinan a Zenûbya hat çêkirin .Di panelê de kombûna Jin a Zenûbya , meclîsa Kongreya Îslama Demokratîk, Akademiya jineolojî û Tevlîbûna hemû meclîs û saziyên kantonan beşdar bûn.
Panel bi deqeyeke rêzgirtin destpêkir. Piştre di panelê de 4 mijarên sereke hatin nîqaş kirin .di her rûniştinekê de mijarên cuda hatin pêşkêş kirin û nirxandin her wiha di panelê de senevîzyon jî hatin pêşkêş kirin.
4 Qatmanên bîrdoziya rizgariya jinan
Di mijara yekemîn de endama Akademiya Jineolojiyê Sîham Dawud mijara “4 qonaxên bîrdoziya rizgariya jinan” xwend.
Sîham Dawûd, di çarçoveya pirsên “Çima Rêber Apo 4 qonax xistin rojeva me?” û “Bandora ‘çar çandan’ li ser mijara dîroka jinan çi ye” nirxand. Her wiha bi nîşandana sînevîzyonê jî mijar bi dîmen û wêne hatin nîşan dan.
Çanda Satî
Di mijara duyemîn de Endama Akademiya Jineolojiyê Leman Şêxo mijara “Çanda Satî” nirxand. Leman Şêxo, di çarçoveya pirsên “Çanda Satiyê çi ye?” û “Di bingeha vê çandê de, ku ji Hindistanê ber bi hemû deverên cîhanê ve belav bûye, çi heye?” mijara duyem şîrove kir.
Leman Şêxo çanda satî wiha şîrove kir”jin ji bo ku bibin qurban tên kêmkirin tevî ku bi rastî nayê kuștin jî.” Satî li Hindistanê wekî adet yan rêûresmek ku rêbazê șewatê esas dihat girtin li hin bajaran, ji bo diyar kirina dilsoziya jina ku hevjînê wî miriye , yan jî ji bo pêbarhiștina wê ji mîrat an jî ji nû bizewce, ruhê sembolîk yê satî hîn jî berhem dide.
Piştî bi dawîkirina axaftina Sîham Sînevizyonek li ser çanda satî hat nîşan dan.
Hilgirtina çanda satî heta roja îro
Di mijara sêyemîn de endama Meclîsa Jin a kongreya Îslama Demokratîk Kînda Kenaan mijara “Hilgirtina çanda satî heta roja îro” di çarçoveya pirsên “Çanda satî li seranserê Rojhilata Navîn bi kîjan rêbazan belav bûye? û “Qada Şoreşa Jinê de rastiya çanda satî bi kîjan rêbazan ve xuya dibe ? Hat şîrove kirin.
Çareseriyek ji bo Çanda Satî
Di mijara çaremîn de berdevka Akademiya Jineolojiyê Zehrîban Hisên mijara “Çareseriyek ji bo Çanda Satî” pêşkêş kir. Naveroka mijarê di çarçoveya “Bilindkirina çanda xwebûnê û bîrdoziya rizgariya jinê” de Hat nirxandin.
Panel bi nîqaşeke vekirî ji aliyê beşdaran ve hat bidawî kirin.
