Lîloz Hisên/Qamişlo
Hevserokê Desteya Çandê ya herêma Bakur û Rojhilatê Sûriyê Mirhef El-Fehed diyar kir ku armanca wan ji pirojeya Dergehê Mensûr xweşikbûna Sûrê Reqa yê kevar e û got; “Pirojeya dergehê Mensûr nameyeke şaristanî hildigre û nasnameya dîrokî ya bajar nîşan dide.”
Desteya Çandê ya herêma Bakur û Rojhilatê Sûriyê projeyeke mîmarî li ser dergeha taxa Mensûr destpê kiribû ku di nava xwe de nameyeke şaristanî hildigre û nasnameya dîrokî ya bajar nîşan dide. Di çarçoveya hewildanên sererastkirina cihên dîrokî û şûnwaran, ku di encama faktorên xwezayî û êrişan zirar gihaştin wan. Desteya Çandê hewil dide ku ev cihên dîrokî veghurîne cihên xweşikbûnê ku nanameya şaristaniyên berê nîşan bide.
Derbarê mijarê de hevserokê Desteya Çandê ya Bakur û Rojhilatê Sûriya Mirhef El-Fehed ji rojnameya me re axivî.
Mirhef El-Fehed destnîşan kir ku Desteya Çandê projeya Dergeha Mensûr bi dawî kir û wiha anî ziman: “Bi hevkariya Nivîsgeha Parastina Şûnwaran ya Desteya Çandê ya herêma Bakur û Rojhilatê Sûriyê û Nivîsgeha Parastina Şûnwaran ya Reqayê pilanên amadekirina vê projeyê hat kirin. Armanca vê projeyê zêdebûna xweşikbûnê û nîşandana nasnameya dîrokî û şûnwarî ye, ev dergeh dikeve pêşiya Sûrê Reqa yê kevin, me xwest di riya vê sererastkirina dergehê giyanê Sûrê Reqa û nasnameya wê ya dîrokî bi awayekî xweşik vegerînin, di encama faktorên xwezayî û êrişên DAIŞ’ê li ser Reqa gelek zirar gihaştibû van deveran.”
‘Li gorî qanûnên UNESCO’yê ya Mîrata Cîhanî proje pêk hat’
Mirhef El-Fehed diyar kir ku pêkanîna projeya Dergeha Mensûr demek dirêj berdewam kir û wiha domand: “Kar û Xebatên me sal û nîvekê dirêj kir, ji bo ku em bi encameke guncav li gorî mîsaq û peymanên navdewletî yên parastina cihên dîrokî bi taybet qanûnên UNESCO’yê ya Mîrata Cîhanî; derkevin. Gelek armanc û bandorên vê projeyê hebû di nav de hişyarkirina civakê bi giringiya Sûrê Reqa, pêwistiya parastina cihên dîrokî û şûnwaran di heman demê de zêdebûna xweşikbûnê ji bo herêmê bi giştî.”
Mirhef ElFehed bal kişand li ser madeya ku hat bikaranîn dema sererastkirina dergehê û wiha got: “Dergeha Mensûr bi Qermîda Sor a ji firneya Hurqule hat bikaranîn, ku heman qermîda hat bikaranîn di xebatên sererastkirina Sûrê Reqa bi aramnca parastina karekterê mîmarî yê rastîn ê Sûrê Reqayê yê kevnar.”
‘Xweşkibûyînek nîşan da’
Hevserokê Desteya Çandê ya herêma Bakur û Rojhilatê Sûriyê wiha zêde kir: “Komeke ji teknîse û endezyarên pispor ên kantona Reqayê beşdarî projeyê bûn, din bin çavdêriya teknîkî ji Nivîsgeha Parastina Şûnwaran ya Desteya Çandê a herêma Bakur û Rojhilatê Sûriyê. Xweşkibûyîna ku vê projeyê li Sûrê Reqa û herêmê zêde kir pir mezin bû, ku nêrîna şêniyan guhert di meyzekirina wan ji Sûrê Reqa yê xirabûyî ber bi wêneyek xweşik û şaristanî ku hemû şêniyên Reqayê pê serbilindin.”
Hevserokê Desteya Çandê ya herêma Bakur û Rojhilatê Sûriyê Mirhef El-Fehed wiha axaftinên xwe qedand: “Gelek proje û pilanên desteyê di pêşrojê de hene ji bo sala 2026’an, ev proje armanc dike ku kantona Reqayê veghurîne bajarekî zindî, çandî û mîrat e herwiha li ser hemû kantonên herêma Bakur û Rojhilatê Sûriyê wê bên dabeş kirin. Bi taybetî bal tê kişandin li ser asta çandî û teknîkî di çarçoveya jinûvekirina saziya Sînamayê herwiha kokeme ji kar û xebatên şûnwarî hene weke pêşxistina warê Geştiyariyê li ser asta herêma Bakurê Rojhilatê Sûriyeyê.”
