Dîlan Mulhim\Qamişlo
Bi destpêkirina Şoreşa Rojavayê Kurdistanê re, jin di hemû qadên şoreşê de pêşengtî kirin, yek ji wan jinên ku di qada wêjeya Kurdî de xwe li pêş xist, Evîn Teyfûr e. Evîn jineke 26 salî ku ji bajarê Kobanê ye û ji 14 saliya xwe ve dest bi pirtûkan kiriye.
Evîn nivîskareke afrînere wateya peyvên nazik û hesteke xweş, ji bo afirandêriyê sernavê bedewî û xweşikbûnê xêz dike. Xwediyê jêhatîbûneke bêhempa ku tiştan bi awayekî afirîner û balkêş derdixe pêş ku peyvên xwe dike çiraxên ronahî pê tariya şevan ronî dike.
Zarokatiya Evîn Teyfûr
Evîn dema ku zarok bû û diçû dibistanê ne ew qas xwendekareke jêhatî bû, lê di nava jiyanê de her tim Evîn li xwe dipirsî û digot çima ev jiyan heye xwezî xewin ba. Dema ku Evîn biçûk bû mirovên derdora xwe nedipejrandin, hizirên pir cuda diketin bala wê. Ruxmî ku ew keçika biçûk a malê bû, lê wê her dem digot pêwîst e ez li gorî xwe bixwînim, tevbigerim û xwe pêş bixim. Xwişkeke wê li zanîngeha Helebê beşa dîrokê dixwend, Evînê li temaşe dikir ku çawa bi pirtûkan re têkildar e, lê ne pirtûkên dibistanan pirtûkên dîtir. Evînê jî got dema ez mezin bibim ez ê weke xwişka xwe pirtûkan bixwînim, ruxmî ku wê ji pirtûkên dibistanê hez nedikir.
Rêjîma berê gelekî hişk bû û gelek zordarî li şagirtên dibistanan dikirin, ev yek di bû sedem ku şagirt ji xwendinê hez nekin. Ji ber vê yekê hezkrina wê ji nivîsandinê re çêbû. Dema ku Evîn 13 salî bû, xwişkên wê jê re digotin ku ji xwe re binivîse. Lê wê ji xwişkên xwe re digot ku ez nizanim binvîsim, ji derveyî dibistanê xweşikên Evînê dixwestin ku wê ferî nivîsandinê bikin. Evîn dema ku 14 salî bû, dest bi xwendina pirtûkan kir, di wê demê de girêdan û hezkirineke wê ya mezin bi xwendina pirtûkan re çêbû. Jêhatbûna jina Kurd Evînê di malê hate xuyakirin û di 18 saliya xwe de dest bi nivîsandina pirûkan kir.
Evîn Pirtûkên xwe bi zimanê Kurdî dinivîse
Di destpêkê de dema ku Evînê çîrok dinivîsandin, xwişk û birayên wê matmayî diman. Di heman demê de, bi demê re Evîn fêrî nivîsandina zimanê Kurdî bû. Evîn Pirtûkên xwe bi zimanê Kurdî dinivîse, ji ber ku wê tu xêr ji zimanê erebî ne dît. Ruxmî ku pirtûkên wê bi zimanê erebî jî hebûn, lê dema ku fêrî zimanê Kurdî bû, nivîsandina zimanê erebî rawestand. Êdî Evîn dest bi nivîsandina pirtûkên bi zimanê Kurdî kir.
Berhemên Evînê
Di destpêkê de şeş berhemên çîrokan yên Evînê hatin çapkirin, herwiha piştre wêjeya zarok û çîrokan jî hate çapkirin. Di heman demê de, çîroka Siya, Pirtûka Hena Mîna, Lekeya Tirsê hatin çapkirin. Di sala 2020’an de yekemîn pirtûka Evînê hate çapkirin, di wê pirtûkê de şeş çîrokên zarokan hebûn. Piştre pirtûka wê ya bi navê Lêkolînerî hate çapkirin, ev pirtûk di nava xwe de çîrok û wêjeya zarokan di hewîne. Evîn Teyfûr wiha dibêje: “Heger kes bixwaze çavkaniya wêje û çîrokên zarokan nas bikin, dikare li Pirtûka min ya bi navê lêkolînerî biger e.”
Evîn nivîskareke li Rojavayê Kurdistanê ye ku li ser wêje û çîrokên zarokan pirtûk dinivîs e.Herwiha piştr e Evîn xwest ku pirtûkek din li ser navê keçika xwe Siya derxe, di heman demê de, Evîn pirtûka xwe ya bi navê Siya nivîsandin û çapkir. Di nava wê pirtûkê de, jî wêje û çîrokên zarokan hebûn.
Evîn dixwest ku kontilorkirinê li xewnên xwe bike,li ser vî bingehî sê çîrokên xewinên xwe nivîsandin. îsal pirtûkeke wê bi navê Lekeya Tirsê hate çapkirin, ev pirtûk di nava xwe de 11 çîrokan dihewîne û ev çîrok jî mîna çîrokên li ser jin, derûnî û şerê mirov li hemberî mirovan ne.
