Hêvî Keleş/ Qamişlo
9’mîn Pêşangeha Pirtûkan a Şehîd Herkol a Navneteweyî bi beşdariyeke berfireh ji hejmarek weşanxane herêmî û navneteweyî, herwiha bi tevlîbûna saziyên çandî hat lidarxistin.
Pêşangeha Şehîd Herekol ya Navneteweyî peyameke çandî ya zelal hildigire, berxwedana li dijî jibîrkirinê, vegerandina nasnameyê û ji nû ve avakirina hişmendiya kolektîf bi rêya pirtûk û zanînê. Di dewreya xwe ya 9’an de, pêşangehê hebûna xwe wekî bûyerek çandî ya berfireh xurt dike, weşanxaneyên herêmî, Erebî û navneteweyî, herwiha nivîskar û afirînerên ji deverên cihêreng tîne cem hev. Pêşengeh, ku di heft rojan de tê lidarxistin, bernameyek dewlemend a semîner, gotar, îmzekirina pirtûkan û civînên wêjeyî pêşkêş dike.
Bi drûşma “Pirtûk Kilîta Şaristaniyê ye” pêşengeha Şehîd Herekol ya navneteweyî ya pirtûkan di 21‘ê Cotmehê de hat destpêkirin û heya 26’ê Cotmehê domand. Di pêşangeha Şehîd Herekol de hebûneke girîng a weşanxaneyan hebû, ku weşanên xwe yên dawî nîşan dan. Bi beşdarbûna xwe, wan xwest ku projeyên xwe yên çandî bidin nasîn û peyama xwe ya rewşenbîrî bigihînin raya giştî. Nûnerên van weşanxaneyan jî eleqeyek taybetî nîşan dan ku bi xwendevan û nivîskarên ciwan re têkilî daynin, di gavekê de ku armanca wê pêşxistina çanda xwendinê û teşwîqkirina afirîneriya wêjeyî ya herêmî bû. Ji her çar aliyên Kurdistanê, Sûriye, Tirkiye, Iraq, Lubnan û Belçîkayê 51 weşanxane û saziyên çandî beşdar bûn. Nêzî 140 hezar pirtûk ên bi zimanên Kurdî, Erebî, Suryanî, Tirkî, Ermenî, Îngilîzî hatine pêşandan. Rêjeya pirtûkên kurdî ji sedî 43, yên zarokan jî ji sedî 4 e, her wiha beşdariya berhemên jinan jî ji sedî 40 e. Ji ber rewşa girtina rê hin saziyan nekarî beşdar bibin.
Di Pêşengeha Şehîd Herekol de 51 weşanxaneyên herêmî û navneteweyî û saziyên çandî beşdar bûn. Ew jî ev in:
-Weşanxaneya Ava: Di sala 2003`an hate avakirin, navenda wa li Bakurê Kurdistanê ye. Ev cara 4 emîne ku beşdarî pêşengeha Şehîd Herekol dibin. Ew bi pirtûkên bi zimanî kurdî beşdar bûn.
-Weşanxaneya Aram: Di sala 2017`an hate avakirin li Şamê. Cara 2’emîne beşdarî pêşengehê dibin.
-Weşanxaneya Şilêr: Di sala 2017`an hate avakirin li bajarê Qamişlo, ev cara 9’emîn e ku beşdarî -pêşengehê dibin.
-Weşanxaneya El-Tenewi El-Seqafî: 4 caran beşdar bûye bi pirtûkên felsefî dîrokî kurdî.
-Weşanxaneya Avêsta: Di sala 1995`an hate avakirin li Bakurê Kurdistanê, ev cara 9’an e ku beşdarî pêşengehê dibin.
-Weşanxaneya El-Lîbraliya: Di sala 2019`an hate avakirin, navenda wê li Siwêdê ye.
-Weşanxaneya Nûr Horan: sala 2014`an li Şamê hate avakirin û ev sala çaran beşdar dibin.
-Weşanxaneya Ela Edîn: Sala 1992`an hate avakirin li Şamê, erwiha ev cara duyemîne ku ev weşanxane beşdarî pêşengeha şehîd Herekol dibin.
-Weşanxaneya Kenan: Sala 1985`an li Şamê hate avakirin. Ev cara 9’an e beşdarî pêşengeha Şehîd Herekol dibin.
-Weşanxaneya Rislan: Di sala 2011`an hate avakirin li bajarê Şamê. Weşanxane cara 3’an e beşdarî pêşengehê dibin.
Weşanxaneya Esriya Libnan: Di sala 2011`an hate avakirin li Beyrûtê û ev sala 4’an e beşdarî pêşengehê -dibin.
-Weşanxaneya Alka: Navenda wê Belçîkayê ye, di sala 2018`an hate avakirin. Çar caran beşdar bûne.
-Weşanxaneya Augarit: Di sala 2011`an li Şamê hate avakirin. Sala 9’an e beşdarî pêşengehê dibin.
-Weşanxaneya Fewasil: Sala 2018”an hate avakirin li Şamê, ev 9 salin beşdarî pêşengeha şehîd Herekol dibin.
-Weşanxaneya El Tekwîn: Di sala 1995`an li Şamê hate avakirin. Ev cara 9’an e beşdarî pêşengehê dibin.
-Weşanxaneya El Hiwar: Di salên 90`ê hate avakirin, navenda wê jî li Laziqiyê ye. Ev cara 9’an e ku beşdarî pêşengehê dibin.
-Weşanxaneya El zeman: Sala 2000 hate avakirin, navenda wê li Şamê ye, ev cara 9’an e beşdarî pêşengeha Şehîd Herekol dibin.
-Weşanxaneya Dal: Di sala 2013`an hate avakirin. 5 sal in beşdarî pêşengehê dibin.
-Weşanxaneya Mezopotamya: Di sala 2022`an hate avakirin. Ev cara duyemîn e ew beşdarî pêşengeha Şehîd Herekol dibin.
-Weşanxaneya Istenbolî: Di salên 90`î de hatiye avakirin, navenda wê li bajarê Helebê ye. Weşanxaneya Istenbolî cara 8’an e beşdarî pêşengehê dibin.
-Weşanxaneya Darayê û pirtûka kurdî: Di sala 2015`an li Bakurê Kurdistanê hate avakirin.
-Weşanxaneya Nûbihar: Di sala 2003`an hate avakirin li Bakurê Kurdistanê. Weşanxane ev cara 9`an beşdarî pêşengeha Şehîd Herekol dibin, ew bi pirtûkên bi zimanê kurdî beşdar bûn.
-Weşanxaneya Peywend û Loryayê: li Bakurê Kurdistanê hate avakirin.
-Weşanxaneya Memdûh Idwan.
-Komeleya Çandî ya Suryanî.
-Weșanên Zanîngeha Kobaniyê.
Kovara Afaq El-Mer`a.
-Akademiya Civaka Demokratîk.
-Komeleya çandî ya Ermenî.
-Weşanên Neqşê.
Pirtûkxaneya Bindarûkê.
-Weşanên Akademiya Jînolojî.
-Saziya Zimanê Kurdî SZK.
-Pirtûkxaneya Amara.
-Pirtûkxaneya Ehmedê Xanî.
-Pirtûkxaneya Manîsa.
-Pirtûkxaneya Emanî.
-Pirtûkxaneya El Zehraa.
-Pirtûkxaneya Rona.
-Kampaniya Erebî ya Çapemeniyê, Libnan.
-Hevgirtina Rewşenbîrên Rojavayê Kurdistanê (HRRK).
-Navenda Rojava ya Lêkolînên Stratejîk.
-Navenda Ferat a Lêkolînan.
-Yekîtiya Nivîskarên Kurd li Sûriyeyê.
-Kovara Mizgîn.
-Kovara Şermola.
-Yekîtiya Nivîskarên Kurdistana Sûriyeyê.
-Yekîtiya Rewşenbîrên Kantona Cizîrê.
-Dar Wardozê.
-Pirtûkxaneya Pirtûk.
-Desteya Çandê ya Bakur û Rojhilatê Sûriyayê.
