Zilm û zordariya artêşa tirk a dagirker û çeteyên wê li Efrînê her roj zêde dibe. Dagirker bi her awayî zilmê li gel dikin û dest danîne li ser malên welatiyan. Malên welatiyan yên ku dest danîne ser weke êşkencexane bikartînin.
Artêşa Tirk a dagirker û çeteyên girêdayî wê malên sivîlan dikin bargehên lêpirsîn êşkencekirinê. Hate diyarkirin li herêma Racoyê 8 sivîlên din ji aliyê dagirkeran ve hatin revandin û li beramberî berdana wan pereyan ji malbatên wan dixwazin.
Kiryarên hovane yên artêşa Tirk a dagirker û çeteyên wê yên li dijî sivîlên Efrînê didomin. Artêşa Tirk a dagirker û çeteyên wê şêniyên Efrînê bi tawanên derew direvînin û malên wan vediguherînin navendên lêpirsîn û êşkencekirinê.
Çavkaniyek ji bajarê Efrînê diyar kir ku çete û leşkerên artêşa Tirk a dagirker ji gundê Çeqmaq ê ser bi herêma Racoyê 8 sivîl revandin û ber bi gundê Çiqla yê herêma Cindirêsê ve ku girtîgeh li wir vekirine birin. Heman çavkaniyê destnîşan kir ku çete li beramberî berdana sivîlan 7 hezar dolar ji malbatên wan dixwazin.
Çavkaniyek din ji gundê Cala yê girêdayî herêma Raco da zanîn ku çeteyên girêdayî artêşa Tirk malên welatiyên gundê Cala dikin navendên lêpirsîn û êşkenckirinê.
Girêdayî mijarê şêniyên gundê Çala diyar kirin ku çeteyên dewleta Tirk ji gundên (Çeqmaqa, Xilalka, Cencliya û Elemdar) ên girêdayî herêma Raco 50 sivîl ku demê berê revandibûn, revandin û niha li “Bargehên lêpirsînê û êşkencekirnê” ne rastî lêpirsîn û êşkencekirinê tên…ANHA
