Hêvî Keleş/ Qamişlo
Bi pêşengiya Desteya Çandê ya Herêma Bakur û Rojhilatê Sûriyê, di 1 Pûşperê de Pêşbirka “Komediya Weyî” (komediya têgihiştin) bi şert û mercên destnîşankirî hat destpêkirin û heta 1 Tebaxê dewam dike.
Ji aliyê Desteya Çandê ya Herêma Bakur û Rojhilatê Sûriyê, di 1 Pûşperê de Pêşbirka bi navê “Komediya Weyî” ango komîdya têghiştinê li ser asta Bakur û Rojhilatê Sûriyê hat ragehandin. Pêşbirk wê di 1 Tebaxê de bidawî bibe.
Armanca pêşbirkê ku balê bikşîne ser komediya armancdar bi karekterek mirovî û civakî, herwiha bi rêya hunera afirîner a avaker hişmendiya civakî bide pêşxistin. Hêjayî bibîrxistinê ye ku ev yekemîn car e ev pêşbirk tê lidarxistin,
Şert û mercên beşdarbûna pêşbirkê:
1-Pêwîste berhema hatiye kişandin bi telîfon an kamîreya kesê beşdar be.
2-Dema vîdyoyê di navbera 3-5 xulekan de be.
3-Naveroka vîdyoyê peyamek armancdar, mirovahî, civakî yan jî perwerdeyî bihewîn e.
4-Divê di vîdyoyê de dîmenên tundiyê, heqaretên li tu partiyan, heqaretên olî, nêjadî û şexsî û gotinên nefretê tune bin.
5-Tevlîbûn ji kes û tîman re û ji hemû temenan re vekirî ye.
6-Madeya hatine şandin divê orjînal bin û berê nehatibin weşandin.
7-Di her pêşandanê de hejmara hunermendan ji 3 heta 5 be.
8-Behsa taybetmendiya herêma ku hunermend wê temsîl dike, tevî ku sembolîk be jî (zarave, cilnîşaneya dîtbarî).
Xelata Pêşbirkê:
Xelat li ser sê astan tê belavkirin; Asta yekemîn, asta duyemîn û ya sêyemîn, herwiha baştirîn lîstikvan xelat 500 dolarî digre.
Mekanîzmeya nirxandinê wiha ye:
1-Asta girêdana naverokê bi mijara zanista civakî re.
2-Afrînerî di pêşkêşkirina fikre û rêbazê komîdî de.
3-Qalîteya berhemê (Deng – Wêne – Performans – Dehênerî).
4-Di dema weşandina naverokê de li ser platformên medyaya civakî dema danûstandina temaşevanan.
