Stêrk Mihemed/Qamişlo
Rêveberiya Kezî û Kolektîva Jinên Sînameger Sefînaz Evdikê diyar kir ku wê Mîhrîcana Nûjiyan di navbera 25-31’ê Gulanê li bajarê Qamişlo bê li darxistin û ji her çar perşeyên Kurdistanê wê jin beşdar bibin, herwiha wê di mîhrîcanê de fîlmên jinan yên ji gelek welatan bên nîşandan.
Mîhrîcana Fîlma Jin a Nûjiyan care yekemîne ku wê bê lidarxistin, di mîhrîcana ku wê di 25’ê Gulanê de li bajarê Qamişlo bê lidarxistin, ji çar perçeyên Kurdistanê û cîhanê fîlmên jinan wê bên nîşandan, herwiha wê ji her çar perçeyên Kurdistanê jin beşdar bibin.
Mîhrîcana fîlma jin a Nûjiyan ji aliyê Kezî û Kolektîfa Jinên Sînameger ve di navbera 25-31’ ê Gulanê de wê bê lidarxistin, Herwiha Sînema Jin a Rojava, Hîlala Zêrîn û Kevana Zêrîn jî piştevaniya mîhrîcanê dikin. Di mîhrîcanê de wê semîner û panel werin lidarxistin herwiha wê fîlim û kurte fîlim bên pêşandan.
Derbarê amadekiriyên Mîhrîcana Jin a Nûjiyan, derhêner û Rêveberiya kezî û kolektîva jinên sînameger Sefînaz Evdikê ji rojnameya me re axivî.
‘Mîhrîcana fîlima Nûjiyan care yekemîne ku tê lidarxistin’
Sefînaz Evdikê destnîşan kir ku mîhrîcana filmê Nûjiyan di navbera 25-31’ ê gulanê li bajarê Qamişlo tê lidarxistin
û wiha got: ” Mîhrîcana fîlima Nûjiyan care yekemîne ku tê lidarxistin ,fîlim li navenda Mihemed Şêxo û parka Azadî wê bê lidarxistin. Filmê ku beşdarî mîhrîcanê bûne navneteweyî ne ji gelek welatan hatine hilbijartin, belge fîlim, kurte fîlim, fêlimên dirêj hene, derhênerên wan hemû jinin û hemû fîlim wê wergera wan ya kurdî were kirin. Mîhrîcana fîlima jin a Nûjiyan ji aliyê kolektîfa kaziya jinên sînameger ve û hevkariya desteya çandê a Kantona Cizîrê, Sînema jin a Rojava û Hîlala Zêrîn tê lidarxistin.”
‘Armanca me ku qadeke azad ji jinên sînameger re ava bikin’
Sevînaz Evdikê diyar kir ku armanca wan avakirina qadeke azad ji jinên sînameger re û wiha domand: “Armanca me ji vê mîhrîcanê ku bingeha temaşekirina fîlm û çîroka jin bê avakirin. Ev fîlmên ku beşdarî mîhrîcanê bûne, çîrok û derhîneriya jinan e, jinan bi hev re çîrok û rastiya xwe didin xuyakirin. Çîrokên jinan, zehmetî, zor, berxwedan, cesaret, têkoşîn û serkeftina wan me kirine çîrok û me xwest ku li tevahî cîhanê belav bikin.”
‘Jin ji çar parçeyên Kurdistanê û Ewropayê beşdar dibin’
Sevînaz Evdikê di dawiya axaftina xwe de wiha got: “Mêvanên ku tevlî mîhrîcanê bibin bi xwe derhînerên fîliman e, wê ji Ewropayê, Başûrê Kurdistanê, Rojhilatê Kurdistan, Libnan û wê ji hundirê Sûriyê jî bên. Kordînetorên mîhrîcana jin a jinên sînameger a Leşbona ew jî tevlî dibin.”
