Ayşa Silêman/Dêrik
Meclisa Jinên Sûriyê li bajarê Dêrikê cîvînek di derbarê rewşa jin di sûriya nû de li darxist, di civînê de balkişandin li ser rola jin di sûriyê de û wiha hat gotin”ger bixwazin sûriyeke nû avabikin pêwîste jin lingê bingehîn be ku ji bo parastina mafê jinan.
Meclisa Jinên Sûriyê li navenda Dicle ya bajarê Dêrikê cîvînek di derbarê rewşa Sûrî û rola jinê di hikumeta nû de li dar xistin, di civînê de hemû jinên saziyên Rêveberiya Xweser hazir bûn.
Di destpêka civînê de hemû hazir bi xuleyek bêdeng li ser giyanê şehîdan rawestiyan.
Di berdewamiya civînê de bal hat kişandin li ser avabûna Mecilsa Jinên Sûriyê, di heman demê rol û erkê ku ket li ser milê jinê heya ku karî bingehekî avabikin û jin ji hişmendiya bavik salarî biparêzin. Meclisa Jinê Sûriyê karî xwe bighîne herderî da ku bikaribe hemû jinê Sûriyê bighînin hev û girêdanê di navbera wan de çêbikin. Her wiha Mecilsa Jinên Sûriyê karî xwe bighîne kempa Hol da ku jinên DAIŞ’ê hişiyar bikin û ji wê jiyana wan ya girêdayî bi kuştin ve derxin.
Di heman demê de dan zanîn ku armanca wê ew bû ku meclis karibin li her derî azadiya jinê belav bikin lewma xwest ev tecrûbe derbasî giştî Sûriyê bibe di sala 2017′ an de li bajarê Minbicê bi amadebûna hemû jinan ev meclis hat avakirin. Berî rûxandina rêjîma Baas jinên meclisê rastî pirsgirêkan dihat, lê piştî ketina rêjîmê bi 15 rojan Meclisa Jinên Sûriyê karîn ofîsa xwe li Şam, Sahil, Himis..hwd vekin. Jin li Şamê derketin qadan û bang kirin ku pêwîste rola jinê di destûra sûriyê de hebe vê yekê karî encamekî bidest bixin. Niha Meclisa Jinên Sûriyê hemû alan danîne pêşiya xwe da ku kedekî bidin û kongirekî li dar bixin berî ku dewleta nû tu biryaran bide.
Di dawiya civînê de jî qomîtê derfet da jinên hazir ku pêşinyarên xwe bikin, di heman demê de nêrîna wan li ser hikumeta nû çiye.
Di pêşinyaran de hat kirin ku pêwîste jinên ku tevlî vê kongireyê bibin divê dagirtî bin û xwedî îradeyeke xurt bin da ku bikaribin dengê jinê bighînin herderî. Di heman demê de heger bixwazin sûriyeke vejîn ava bikin pêwîste jin lingê bingehîn bê, ferq nîne ji kîjan pêkhateyê be, ya girîng parastina mafê jinê ye. Her wiha pêşinyar hay kirin ku pêwîste hemû kujerên sivîlan werin dadgeh kirin û cihê wan di hikumeta Sûrî de nebe.
