Lîloz Hisên/Qamişlo
Stêrka fotbola Sûriyê, lîstikvana yaneya Hîlal ya footbulê ciwana kurd Aya Mihemed û hevalên wê, ji aliyê Fermandara YPJ‘ê ve hatin xelatkirin. Di demên dawî Aya Mihemed û hevalên xwe li ser asta Sûriyê û Asiyayê gelek xelat wergirtine . Herî dawî jî ew tevlî şampiyoniya Rojavayê Asyayê ku li Urdinê hate li dar xistin bûn û xelat wergirtin.
Di dîroka 30’meha Nîsanê de, Fermandara YPJ’ê Rohilat Efrîn bi lîstkvanên yaneya Hîlal ya Sûrî re li bajarê Qamişlo civiya, di civînê de nîşqaş û xalên giring yên girêdayî lîstikvanan û xebatên wan yên li ser asta herêmê û derve, hatin vegotin.
Piştre fermandara YPJ Rohilat Efrîn lîsikvanên yaneya Hîlal xelat kir, da ku wan taşwîq bike li ser destkeftiyên wan li ser asta futbola jinên Sûriyê û Asyayê. Herwiha xelateke taybet ji bo lîstkvana yaneya Hîlal û stêrka futbola Sûriyê “Aya Mihemed” ji ber xelatkirina wê weke lehenga şampiyonê bi 9 golan, hat kirin.
Ji hêla xwe ve lîstikvan “Aya Mihemed” bi navê yaneya Hîlal Yekîniyên Parastina Jin xelat kir û rola têkoşîna mezin ya YPJ’ê bilind nirxand.
Di derbarê mijarê de lîstikvana Futbolê Aya Mihemed ji rojnameya me re axivî û wiha got: “Ji ber kêmdestekdayînê hin caran pirgirêk li pêşiya me derdikevin, bi taybet di dema beşdarbûna me di şampyonên derve de. Dema ku lîstkvan piştgiriyê ji hêla welatê xwe ve bibîne bê guman wê destkeftiyên mezintir bidest bixe, ev hevdîtin bi YPJ’ê re û xelata wan li cem min xwedî watiyeke pir girîng e, herwiha taşwîqeke mezintir bi min re çêkir da ku ez zêdetir gavên serkeftinê pêk bînim.”
Kurtejiyana Aya Mihemed
Aya Mihemed yek ji jinên lîstikvan ên kurd e ku di sala 2006’an de li Qamişloyê ji dayik bûye. Wê bi vîneke xurt tevî astengiyên jiyanî, qeydên civakî û kêmderfetên sporê bi taybet spora jinan.
Li ser asta Şampiyona Sûriyê ya Jinan bi Yaneya, Xabûr, ya Hilal û ya Amûdê re 3 xelat wergirtin. Ji bilî wê jî gelek xelatên wê li ser asta yane û tîmên nûhatî yên kantona Cizîrê wergirtine. Niha jî lîstikvana Yaneya Hilalê ye ku Şampiyona Jinan a Sûriyê bi nisxeya 2023’ê û 2024’an qezenc kir, hem jî di sedaretê de ye ku bi heman yaneyê re beşdarî heman machê ya sala 2024’an û 2025’an bibe. Li hêleke din jî ew lîstikvana Yaneya Asayîşê re weke golzanekê di çarçoveya şampiyonên kantona Cizîrê de dilîze.
