Ayşa Silêman/ Dêrik
Ofîsa jin bi alîkariya ofîsa cîbicîkar û ofîsa ekolojî li bajarê Dêrikê ji destpêka meha Sibatê vê şitilgehek bi navê jin vekirin.
Ofîsa jin bi alîkariya ofîsa cîbicîkar û ofîsa ekolojî li bajarê Dêrikê ji destpêka meha Sibatê vê şitilgehek bi navê jinê vekirin. Di şitilgehê de hemû çûreyên dar û gulan hene.
Di derbarê rewşa şitilgehê de Rêvebera Şitilgeha jin Monîka Xelîl ji rojnameya me re axivî.
Monîka Xelîl diyar kir ku ev şitilgeh ji destpêka meha Sibatê ve hat vekirin û niha amdekarî tên kirin da ku di 4’ê
Nîsanê de bi awayekî fermî were ragihandin û wiha got: “Ofîsa jin li ser vê pirojeyê disekine, di şitilgehê de 4 jin kar dikin. Îsal me xwest em şitilgehek taybet bi jinê vekin ji ber ku karê jinê her tim cûdaye. Niha jî em vê şitilgehê berfirehtir dikin û em ê bêtir daran têde biçînin ji ber ku her sal di 4’ê Nîsanê de ji bo rojbûna Rêber Apo dar tên belav kirin. Îsal jî jin wê bi şêwazê xwe yê cûda wê vê şitilgehê bixemilîne, di heman demê de wê sazî û navendên leşkerî darên xwe ji vê şitilgehê werbigrin. Astengiya ku bi me re derbas dibe kêmbûna avê ye û darên me hewcedarî avê ne. Hêviya me ew e ku her kes bi erkê xwe rabe û xwdî li ekolojiyê derkeve da ku em bajarekî paqij avabikin.”
