Dîlan Mulhim\ Qamişlo
Berdevka Rêxistana Stêrk a Şopandina Mafê Zarokan ya Bakur û Rojhilatê Sûriyê Culiya Xelo diyar kir armanca wan ji lidarxistina kampaniya çandina daran re xurtikirina têkiliyê zarokan bi jîngehê re ye û wiha got: “Armanca me xurtkirina têkiliyên zarokan bi xwezayê re ye.”
Rêxistina Stêrk a şopandina mafê zarokan ya Bakur û Rojhilatê Sûriyê dest bi kampaniya çandina 300 darî li ser asta bajarê Qamişlo kir, kampaniya çandina daran ji 25`Adarê destpêkir û 28`ê Adarê bi dawî bû. Ev darên wan li gelek cihan hatin belavkirin û di demê pêş de wê ji bo zarokan perwerde û semîner werin dayîn.
Di derbarê Kampaniya Rêxistina Stêrk a çandina daran de, berdevka Rêxistana Stêrk a şopandina mafê zarokan ya Bakur û Rojhilatê Sûriyê Cûliya Xelo ji rojnameya me re axivî.
‘Armanca me geşkirina jîngehê ye’
Cûliya Xelo di destpêka axftina xwe de wiha got: “Me dît ku dûrketinek di navabera zarok û xwezayê de heye, ji ber vê yekê pêwîstî hebû ku em dest bi kampaniya çandina daran bikin. Da ku têkiliya di navbera xwezayê û zarokan de xurtir bikin, di heman demê de meha Adarê û havînê miha çandina daran ye, ji ber vê yekê me xwest ku kampaniyeke çandinya daran li dar bixin, ji bo ku zarokan fêrî hezkirina çanda xwezayê bikin. Ji ber vê yekê me hemahengî bi desteya jîngehê a Kantona Cizîrê re kir û 300 dar hatin girtin, li zarokan hatin belavkirin. Armanca me xurtkirina têkiliyên di navbera zarok û xwezayê de ye, herwiha geşkirina jîngehê ye.
Darên ku hatine belavkirin
Cûliya Xelo da zanîn ku ev kampaniya çandina daran li gelek cihan hate belavkirin û wiha ber dewam kir: “Ev kampaniya ji 25`ê Adarê dest pê kir û 28`ê Adarê bi dawî bû, herwiha roja destpêkê 65 dar li gundê Elî Fero hatin çandin ,roja duyemîn li goristanên sivîlan 50` î dar hatin çandin û roja sêyem li komînên zarokan ên ku di komînên giştî de hatiye avakirin hatin belavkirin. Di heman demê de li gel me ên Efrînê jî hatin belavkirin, ji hezkirineke wan a mezin ji çandina daran re heye. Darên ku hatine çandin darên çam,mişmiş, gulên jurî û hwd.. Di demên pêş de wê perwerde û semîner ji bo zarokan werin dayîn ku çawa ji xwezayê hezbikin û pê mijûl bibin.
‘Pêwîst e gel bi me re alîkar be’
Berdevka Rêxistana Stêrk a şopandina mafê zarokan ya Bakur û Rojhilatê Sûriyê Culiya Xelo axfitna xwe wiha bi dawî kir: “Banga ji gelê me re heyek ku bi me re alîkar be ji bo ku em karibin welatê xwe xweşbikin, herwiha dema ku hezkirina xwezayê bikeve dilê me wê demê em ê karbin pêşerojeke xweş û tenduristiyeke durist jiyan bikin. Ez bi hêvî me ku her malbatek zarokê xwe fêrî hezkirina xwezayê bikin.”
