Ayşa Silêman/ Dêrik
Bi armanca piştgirî û pêşxistina jêhatiyên zarokan, Îro Rêveberiya Dibistana Şehîd Yûsiv El-Ezemê Pêşengeha wêneyan li darxist, di pêşengehê de tabloyên ku bi destê mamoste û xwendekaran hatine xêzkirin, hatin pêşandan.
Îro Rêveberiya Dibistana Şehîd Yûsiv El-Ezemê a bajarê Dêrikê Pêşengeha wêneyan li darxist, armanca pêşengehê pêşxistina jêhatiyên xwendekarên ku ji wênesaziyê hes dikin, bû. Di vekirina pêşengehê de nêzî 23 sazî û dezgeh beşdar bûn. Di heman demê de Rêveberiya Dibistanan ya Dêrikê û gelek hmamoste û xwendekarên dibistanê jî hazir bûn.15 xwendekarên dibistanê û mamosteya wêne Şêrîn Behzad tabloyên xwe pêşkêş kirin.
Di derbarê pêşengeha wêneyan xwendekarên bi navê Mûsa Elî û Dana Hisên ji Rojnameya me re axivîn.
Xwendekarên Dibistanê
Xwendekarê refa 11’an Mûsa Elî diyar kir ku wî ji 2014’an ve dest bi wênexêziyê kiriye û wiha got: “Ev cara yekeme ku ez tabloyên xwe pêşkêş dikim, di vê pêşengehê de min gelek tablo xêz kirin. Min di tabloyên xwe de filklora kurdî, dakiya û jina kurd a ku rastî gelek zehmetiyan hatiye, xêz kir. ”
Xwendekara refa 10’an Dana Hisên da zanîn ku ew ji zarokatiya xwe ve tabloyan xêz dike û wiha got: “Min bi riya
tabloya xwe xwest ez cil û bergên jina kurd nîşan bidim ji berk u ew bi cil û bergên xwe pîroze. Min bi alîkariya xwîşka xwe ev tablo xêzkirin. Ez ji wênexêziyê gelek hezx dikin û yek ji hêviyên mine ku ez zanîngeha huner bixweînim.”
