Birûc Resûl/Qamişlo
Nûçegîhana Rojava TV a kantona Firatê Îvana Misto diyar kir ku heya vê kêliyê dagirkeriya Tirk Bendava Tişrîn û gel dike armanc û wiha got: “Bendava Tişrîn ji bo gelê herêmê bendava rumetê ye û rumeta gel jî ji her tiştî buhatir e.”
Li Bendava Tişrînê berxwedana gel dewam dike, her wiha dewleta Tirk a dagirker û çeteyên wê êrişên xwe yên bejahî û hewayî li ser Herêma Bakur û Rojhilatê Sûriyê didomînin. Bi taybet li Bendava Tişrîn û Pira Qereqozaqê êrişên pir dijwar tên kirin. Wek ku tê zanîn Bendava Tişrîn ji bo gelê Herêma Bakur û Rojhilatê Sûriyê çavkaniyek jiyanê ye ku pê ava xwe tînin û jêdera elekitrîkê ye. Gelê Herêmê ji bo ku av û elektrîka xwe biparêzin ev 71 rojin bi kerwanên bajar bajar diçin bendavê û nobet digrin. Di vê çarçoveyê de Nûçegîhana Rojava TV a kantona Firatê Îvana Misto
Îvana Misto di destpêka axaftina xwe de balkişand ser rewşa dawî ya Berxwedna Bendava Tişrîn û wiha got: “Wek
tê zanîn ku ev 70`ê roj derbas dibe ji berxwedana benava Tişrîn ku gelê Bakur û Rojhilatê Sûriyê berê xwe dide bendavê, bê guman êdî bi navê berxwedana Bendava berxwedanê û Şehîdan tê nasîn. Helbet hebûne gelê herêmê li bendavê ji bo parastina av, elektirîk û axa xwe dikin, wek tê gotin nobeta parastinê. Belê ki kêleka vê nobetê jî dagirkeriya Tirk êrişên xwe bi awayekî bê navber dewam dike, rojan e bendav û gelê ku nobeta parastinê digirin dibin armanc, heta gihîşte asta ku komujî pêk anîn. Lê ruxmî ewqas êrişên hovane yên dewleta Tirk a dagirker, gelê Herêma Bakur û Rojhilatê Sûriyê bi tevahî pêkhateyên xwe nobeta parastina bendavê bi coş û hêzekî pir mezin dewam dikin. Tişta ku bala mirov dikşîne û hêz jê digre ew e ku israra gel ji êrişên dagirkeriya Tirk mezintirin, her wiha gel her di peyamên xwe de dibêjin ku “Çi bibe bila bibe, lê em dest ji bendava xwe bernadin û çi berdêlên giran werin dayîn em hazirin, ji ber ku bendav bûya qubleya me û cihê herî pîroz. Îro xwîna bi dihan zarokên me li ser rijiya ye, ev jî pîroz e ji bo me.”
‘Îradeya gel ji êrişên dagirkeriya Tirk mezintir e’
Îvana Misto da zanîn ku êrişên dewleta Tirk a dagirker bi awayekî diwar li ser bendavê dewam dikin û wiha pê de çû: “Heya vê kêliyê dewleta Tirk a dagirker êrişên xwe li ser bendava tişrînê didomîne, her wiha bi belafirên bê mirov, dironan û çekên giran bendav û gel dike armanc, di nav van êrişên hovane de dagirkeriya Tirk bi sûcên şer gelek komkujiyan pêk tîne, êdî armanca wê ya herî sereke ew e ku îradeya gelê herêmê bide şikandin û hêza wan têk bibe, lê di rastiya heyî de berovajî wê çêdibe ku gelê herêmê kêlî bi kêlî heza xwe xutir dikin û di heman demê de soza rakirina tola şehîdan nû û mezintir dikin. Êdî dewleta Tirk bila ne fikirê gelê herêma Bakur û Rojhilatê Sûriyê wê ji êrişên wî bitrsin ango ji berxwedaniyê rawistin. Gelê herma Bakur û Rojhilatê Sûriyê wê heya dawê li ser piyan bin û her wê asta tekoşîn û berxwedanê bilinditir bikin.”
‘Bendava Tişrînê ji bo gelên herêmê bendava rûmetê ye’
Îvana Misto di berdewamiya axaftina xwe de tekiz kir ku wê bi coş û morala gelên herêma Bakur û Rojhilatê Sûriyê bendav bi ser bikeve û dewam kir: “Gel niha li bendava berxwedanê, bendava şehîdan a Tişrînê bi coş û moralekî pir mezin nobeta parastinê digirin. Dewleta Tirk a dagirker êriş dike, ew jî govend û dîlanê digerînin, ev jî bersiVeke herî mezine ku gel ji êrişên dagirkeriyê nakin û ti kes nikare moral û îradeya wan têk bibe. Li bendavê ji 7 salî heya 70 salî nobet digirin, her wiha bi stran û pêxistina agirê azadiyê bi siloganên ‘Bijî berxwedana QSD`ê, Tişrînê bi te re heya mirinê’ tên bilindkirin. Yanî diyare û tekize ku gel tev ji bendavê na berdin ku çi bibe bila bila bibe, gel ji her tiştî re xwe amede kirine, ne mumkine ku paş vegera ew ê berdêlên giran jî bimînin, lê ew bê rûmet jiyan nakin. Bendava Tişrînê ji bo gelê herêmê bendava rûmetê ye û rûmeta gel jî ji her tiştî buhatire.”
‘Em ê şopdarên rêya Egîd, Nazim û Cîhan bin’
Nûçegîhana Rojava TV a kantona Firatê Îvana Misto di dawiya axaftina xwe de wiha got: “Nameya me ji bo berxwedana gelê herêmê yê ku heya vê kêliyê didome li Bendava Tişrînê, em dibêkjin ku em li pişte wene û emê ê her şopdarên riya rastiyê bin ku em xwedî li we û li dengê we derkevin. Her wiha em ê van kiryar û sûcên dagirkeriya Tirkiyê li ser herêmê dide meşandin, em ji raya giştî re parvekin ku em xwedî li berxwedanî û serkeftinên gelê xwe derkevin. em soza xwe nû dikin ku em şopdarên riya Egîd, Nazim û Cîhan bin, bi rihê wan yê zindî tekoşîna xwe dewam bikin.”
