Ayşa Silêman/Dêrik
Îro bi boneya nêzîkbûna Cejina Newrozê Dibistana şehîd Yûsiv El-Ezeme ya bajarê Dêrikê şahiyek li dar xist û bi vêxistina agirê Newrozê, cejina netewî ya gelê kurd hat pîrozkirin.
Bi boneya nêzîkbûna Cejina Newrozê Dibistana şehîd Yûsiv El-Ezeme ya bajarê Dêrikê şahiyek li dar xist, di şahiyê de hemû endamên Yekîtiya Mamosteyan, Rêveberiya Dibistanan û endamên HRRK’ê amade bûn.
Şahî bi xuleyek bêdeng li ser giyanê Şehîdan dest pê kir.
Di destpêka şahiyê de helbest ji hêla Sena Hesam ve hat xwendin, paşê Koma Dîlanê ya Yûsiv Elezme dîlanek lidarxistin. Di heman demê de Koma Elêftariya bi dengê xwe ev roj pîroz kirin. Xwendekarên delal Ciwana Reşîd û Elend hestên xwe anî ziman bi riya deng û awaza xwe.
Di berdewamiya şahiyê de Sîma Derwêş jî hestên xwe ji bo newrozê bi helbestekî ji haziran re hûnand. Di dawiya şahiyê de xwendekar û mamosteyan bi rengê xwe yê bedew agirê Newrozê vêxistin û bi dengê tilîliyan govend gerandin.
