Nehîr Pale
Meşa ku gelê Efrînê birêxistinkiribûn, tevlîbûna wê ji bo min şensekî mezin bû. Ruh û hestên gelê bi xaka xwe ve girêdayî ye û tiyê azadiyê ye min hîs kir. Dilê wan ranedikir ku çiqilên darên zeytûnan ji destê xwe deynin û her rakirî bûn. Wêneyên Rêber APO jî bi çiqilên darên zeytûnê re rakiribûn.
Li kantona Tebqayê bi sedan şêniyên Efrînê yên dibin konan û li dibistanan dimînin berê xwe dabûn qada meşê. Dayîkan destê zarokên xwe girtibûn, ixtiyaran mil dabûn hevdû û ciwan li pêş bûn. Her wiha şêniyên Tebqayê bi pêkhateyên xwe tevlî meşê bûn.
Pankartên li ser hatibûn nivîsandin Efrîn kelha berxwedanê ye emê vegerin, Welat ne tenê xak e ew ruhe û Efrîn di dilê me de ye, em ê vegerin, rakiribûn.
Meş îro saet 10’an de destpêkir û heyanî saet 11:30’an berdewam kir. Gelê Efrîn ên ji sala 2018`an ve koçber bûne dixwestin tevayî cîhan dengê wan bibhîze. Bi dirûşmeyan têkoşîn û hesreta xwe ya 8 salan anîn ziman. Bi dengekî bilind digotin:`Efrîn Efrîna me ye veger soza me ye, bijî berxwedana Efrîn, bijî xwişk û biratiya gelan, bi can bi xwîn em bi te re ne Efrîn, bê Efrîn jiyan nabe, em Efrîna xwe dixwazin, bijî berxwedana li Efrîn, Şehba û Tebqayê`. Bi dirûşme, awazên Efrînê û dengê daholê re tilîliyên jinan kêm nebûn. Gelê Efrînê di meşa xwe de îfade kirin ku li hemberî dagirkiriyê her tim wê serî hilbidin û heyanî vegerin Efrînê wê têbikoşin û li ber xwe bidin.
