Dîlan Mulhim\ Qamişlo
Stranbêjê kurd Mêrvan Zîbar diyar kir ku bi riya muzîkê ew êş û derdê xwe jibîr dike, hezkirnineke wî a mezin ji stranbêjiyê re heye û wiha got: ” Stranbêjî derman û rihetiya canê mirove”
Rojavayê Kurdistanê bi hunermendên xwe dewlemend e, bi taybet ciwan. Yek ji wan hunermendê Rojavayê Kurdistanê ku huner û nameya xwe belavî her derê dike. Mêrvan Zîbar e,
Kurte jiyan Mêrvan Zîbar
Stranbêjê kurd Mêrvan Zîbar di sala 2003`an de li gundê Mehmela ê bajarê Efrînê ji dayîk bûye, herwiha piştî ku Efrîn hate dagirkerin koçberî Şahbayê bû û niha li Helebê jiyan dike. Di heman demê de ew Zanista Rêveberiyê li zanîngeha bajarê Helebê dixwîne.Mêrvan Zîbar ji pêncsaliya xwe dest bi karê dengbêjiyê kiri ye,dema ku wî dest bi karê dengbêjiyê kir bi temenekî pir biçûk bûm û li hunera Efrînê 7`salin muzîk xwend, herwiha di malbatê de dayîk û bavê wî piştgirtî didan û bi taybet bavê wî ji ber ku bavê wî jî gelekî ji stranbêjiyê hezdikir. Herwiha wî hunera bajarê Helebê di xwend lê ji ber pirsgirêkên kesayetî wî dest jê berda, lê ji ber hezkirina wî ji muzîkê re karê xwe yê muzîkê berdewam kir. Herwiha dema ku ew ji Efrînê koçber bûn pir êş û zehmetî di jiyana xwe de kişandin. Lê bi riya muzîkê ew êş û zehmetiyên xwe ji bîr dikim, ji ber vê yekê muzîkê ji bo gelekî bi qîmet e.”
Di derbarî muzîk û pirojeyên xwe de stranbêjê kurd Mêrvan Zîbar ji Rojnameya me re axivî.
‘Awaz û stranbêjî aramiya cane mirov e’
Mêrvan Zîbar da zanîn ku muzîk û stranbêjî ji bo wekî heyvekê di şev reşiyê de ye û wiha got: “Mirov bi riya muzîk û starbêjiyê derdê xwe jibîr dike, herwiha muzîk ji bo min jiyane, ji ber ku mirov bi riya stranbêjiyê hestê xwe tîne ziman. Herwiha dema ku mirov ji tiştekî xemgîn dibe li muzîk guhdar dike.Ji ber ku awaz û stranbêjî aramiya canê mirove, herwiha ez tevîl bernameya hunermend Sefqan Orkêş bûm û min gelek stran bi mamoste Sefqan re gotine. Ez tevlî Newroza 2021`ê bûn û stranên dengbêjiyê gotin, di heman demê de gelek stranên min ên dengbêjî li ser bajarê Efrînê hene û 6 stranên min hene di demên pêş de ez ê bikim 4 kilîp, herwiha ez hazritiya kilîpa nû jî dikim. Silavê min ji tevahî gelê Rojava re heye û bi taybet gelê Efrînê û ez bi hêvî me ku gelê rûpelên min bişopînin.”
