Dîlan Mulhim\Qamişlo
Hevserokê Desteya Enerjiyê a Bakur û Rojhilatê Sûriyê Ziyad Rustem diyar kir ji ber êrişên dewleta Tirk a dagirker li ser stasyonên elktirîkê û bi tayîbet Bendava Tişrînê, bi hezaran welatî bê elktirîk jiyan dikin.
Ji ber êrişên dewleta Tirk a dagirker li ser binesaziya herêmê, bi taybetî ji ber hedefgirtina stasyonên elktirîk û avê, bi hezran welatiyên Bakur û Rojhilatê Sûriyê ji peydakirina av û elektirîkê de zihemetiyan dibînin.
Di derbarê êrişên li ser binesaziya herêmê Hevserokê Desteya Enerjiyê a Bakur û Rojhilatê Sûriyê, Zîyad Rustem ji Rojnameya me re axivî.
‘Ji ber êrişên dewleta Tirk binesaziya herêmê ji kar ketiye’
Ziyad Rustem anî ziman ku li herêma Bakur û Rojhilatê Sûriyê kirîza elktirîkê tê jiyankirin û wiha got: “Herêma
Bakur û Rojhilatê Sûriyê herêmeke berferihe û pêdiviya wê bi hezar û 340 MW’î ji elektirîkê heye. Bendavên herêmê ên sereke bendava Tişrîn, Firat, Azadî û Siwêdiyê ye. Hilbirîna elektirîkê ya van bendavan beriya êrişên dewleta Tirk digihişt nêzî 300 MW’î. Dewleta Tirk a dagirker di sala 2024`an de bi belafirên xwe yên bêmirov êrişî stasyona Siwêdiyê û Bendava Tişrînê kir. Di encama van êrişan 12`ê torbîn li Siwêdiyê ji kar derketin û bi sedema êrişên li ser Bendava Tişrînê bendav ji kar derket. Li Bakur û Rojhilatê Sûriyê elktirîka ku tê hilbirandin tenê 100`MW’e. Bêguman ev bandorê li her tiştî dike, niha divê demê de stasyona Siwêdiyê kar nake û bendava Azadî 15`MW’î hildibrîne, herwiha bendava Firatê 100 MW`î hildibrîne. Ev eletirîk ji bo navendên xizmetguzariyê weke nexweşxane û nangehan tê şandin. Lê gelên herêmê bê elektirîk dimînin.”
‘Êrişên li ser stasyonên elktirîk û avê sucekî dijmirovî ye’
Ziyad Rustem da zanîn ku stasyona Elok ya avê ji sala 2019`an ve ji kar ketiye û wiha domanid: “Piştî ku dewleta Tirk û çeteyên wê stasoyona Elok a avê dagir kirin, stasyon ji kar ket. Ji ber vê yekê tevahiya welatiyên bajarê Hesekê bê av dimînin. Çend caran Rûsya û UNCF hewl dan ku çareserkiyê ji stasyona Elok re bibînin, lê mixabin heta dema niha ev pirsgirêk nehatiye çaresekirin. Ji ber êrişên li ser bendava Tişrînê ji aliyê dewleta Tirk û çeteyên wê ve bendav ji kar ketiye. Ji 7`ê Çileyê û heta îro Rêxistina UNCF û Xaça Sor hewldan ku derbasî bendavê bibin, da ku girûpên karmendên bendavê bugherin, lê mixanbin nikarîbûn derbas bibin. Ji ber ku ji aliyê dewleta Tirk ve erêkirin nehate kirin, ji ber ku êrişên li ser bendavê nehatin rawestandin. Pêwîste dewletên navnetewî û saziyên mafê mirovan bi karê xwe rabin û rê li ber êrişên dewleta Tirk a bigirin. Êrişên li ser stasyonên elktirîk û avê sûcekî dijmirovî ye.”
‘Pêwîste saziyên navnetewî bi me re bibin alîkar’
Ziyad Rustem axaftina xwe wiha bi dawî kir: “Ji ber êrişên li ser bendavê xeteriyeke mezin li ser bendavê heye. Dema ku dagirkeriya tirk êrişî bendavê dike bendav bi tavahî zirarê dibîne. Herwiha Bendava Tişrînê 2`milyar m3 av dihewîne. Eger hat û hilweşiya wê karîseteke mezin pêk bîne. Ji ber vê yekê pêwîste saziyên navdewletî alîkariya me bikin, ji bo ku em pirsgirêka elktirîk û avê çareserbikin. Di heman demê de em dixwazin bi riya saziyên navnetewî, Rêxistina UNCF û Xaça Sor girûpên çeksaziyê derbasî bendavê bibin.”
