Ayşa Silêman/ Dêrik
Şaredariya bajarê Dêrik bi hemahengiya dostaniya bajaran re bi boneya 8’ê Adarê bi silogana ” jin jiyan azadî” taxek navê Şehîd Hevrîn Xelef lêkirin.
Şaredariya bajarê Dêrik bi hemahengiya dostaniya bajaran re bi boneya 8’ê Adarê bi silogana ” jin jiyan azadî” taxek navê Şehîd Hevrîn Xelef lêkirin. Di navlêkirina taxê de bi dehan endamên saziyên Rêveberiya Xweser hazir bûbûn.
Di destpêka çalakiyê de bi xuleyek bêdengî li ser giyanê şehîdan rawestiyan, paşê li ser navê ofîsa cîbicîkar a Şaredariya bajarê Dêrikê Xaliya Elî anî ziman ku bi saya berxwedan û têkoşîna jinên berxwerdêr wek Hevrîn Xelef em îro vê têkoçînê berdewam dikin.
Di berdewamiya vekirinê de dayîka Hevrîn Xelef axivî û wiha got: ” Bi saya ked û ramamnên Rêber Apo îro em li virin ji ber ku heger jin azad nebe, civak azad nabe û dîrok jî azad nabe. Pêwîste em hemû destkeftiyên xwe bikar bînin da ku Rêber Apo fîzîkî azad bibe ji berk u azadiya me bi azadiya wî ve girêdayî ye. Lê ez di wê baweriyê de me kesên ku şoreş gihandin vê astê wê bi ser jî bixin.”
Têkildarî heman boneyê jinên ku di
nexweşxaneya bajarê Dêrikê de kar dikin şahiyek li darxistin. Di dest pêka şahiyê de Cîgira Desteya Tenduristiyê ya kantona Cizîrê Rojîn Ehmed Bixêrhatina hemû endamên naxweşxaneyê kir paşê bi xuleyek bêdengî li ser giyanê şehîdan rawestiyan. Her wiha semînerek li ser Danasîna roja 8 adarê hat dayî, piştî dana semînerê endamên nexweşxaneyê yên ku berê xwe dabûn Bendava Tişrînê û vegeriyabûn xelatên taybet li wan hatin belav kirin. Di heman demê de bi boneya 8’ê adarê xelat li giştî endaman jî hat belav kiri, di dawiya çalakiyê de şahî hat li darxistin û dîlan geriya.
