Dîlan Mulhim\ Qamişlo
Endamê Hunergeha Welat Xoşman Qado diyar kir ku wan pênc stran ji bo piştgirtiya QSD`ê li Bendava Tişrînê û Pira Qereqozaxê pêşkêş kirin û wiha got: “Em hunermedên civakê ne û pêwîst e em xwedî Lı civaka xwe derkevin.”
Hemû gelên herêmê piştgirtiya QSD`ê weke erkekî girtin li ser milê xwe û Hunergeha Welat jî, ji bo piştgirtiya QSD`ê li Bendava Tişrînê û Pira Qerqozaxê pênc stran pêşkêş kirine, ew jî ev in: ‘QSDê Hêviya Gelan e (Koma Tirbespiyê), Em QSD’ê Ne (Koma Zîlan), QSD’ê Heqîqet e (Danîş Botan), Gujj e Çemê Me û Bendava Me Ye’.
Du stran bi temamî li Hunergehê hatine çêkirine, ji gotin û mûzîk û aranje û hemû xebatên tomarkirinê; her du stran jî ev in:
Di derbarê kar û xebatên Hunergeha Welat yên di çarçoveya piştgirtiya QSD`ê de, endamê Hunergeha Welat Xoşman Qado ji Rojnameya me re axivî.
‘Armanca me xurtkirina moralê gel e’
Xoşman Qado anî ziman ku ev serê sê mehan e ku şervanên QDS`ê li Bendavê Tiştrînê û Pira Qereqozaqê
berxwedaniyeke bêhempa didin meşandin û wiha got: “Erkê me jî weke hunermend ku em kar bikin, stranekê diyarî berxwedan û têkoşîna şervanên xwe QSD`ê bikin. Herwiha şervan û hevalên me yên ku li çeper û enîyên şer, li pira Qereqozaqê, Bendava Tişrînê li ber xwe didin û roja ne derbeyê giran li dagirkeriyê dixin, em jî weke hunermedên civakê xwest ku ji bo berxwedana QSD`ê li Bendava Tişrînê û Pira Qerqozaxê van her pênc stranin pêşkêş bikin. Herwiha armanca me ji pêşkêşkirina van stranan di vê demê de ew e ku xurtkirina moralê gel, pêştgiriya şervanan û dengvedana berxwedana BendavaTişrînê bendava Şehîdan e.”
‘Pêwîste em li huner û çanda xwe xwedî derkevin’
Endamê Hunergeha Welat Xoşman Qado da zanîn ku gelek piroje di plansazîya hunergehê de hene û dest bi amadekirin û karên van projeyan bûye û wiha bi dawî kir: “Ev karê me wê li gelek bajar û navçeyên Bakur û Rojhilatê Sûriyê were kirin û di demeke nêz de jî dê berhemên van pirojeyan bêne belavkirin. Herwiha huner avakirina hişmendîyeke afirîner karekî komî ye, lewre berpirsyarîya wê jî di vê demê de di asteke hişmend û têgihaştî de be. Huner hêmanê herî nazik û bi bandora şoreşê ye, ji ber vê yekê pêwîst e em li huner û çanda xwe xwedî derkevin.”
