Dîlan Mulihim\Qamişlo
Rêveberê Ofîsa Beşa paqijiyê a Şarerdariya bajarê Qamişlo Mihdî Eqîl diyar kir ku ew li gorî derfetên xwe rojane taxên bajêr paqij dikin û got, “Ev heftiyeke ku karê me di asteke herî baş de tên meşandin û me pirojeyên xwe yên dema pêş hildana û li hêviya erêkirinê ne.”
Şaredariya Gela a bajarê Qamişlo, tevî êrîşên heyî yên ser herêmê û rewşa zehmet ya aborî jî, kar û xebatên rêvebirin û pêşkêşkirina xizmetguzariyên civakê yên wek; ekolojî, paqijî, sîstema riyên bajar û gundewarên wê di asteke baş de dide meşandin. Herwiha Şaredariyê roj bi roj kar û xebatên xwe berfirehtir kir û didomîn e.
Di derbarê piroje, kar û xebatên beşa paqijiyê a Şaredariya bajarê Qamişlo Rêveberê Ofîsa Beşa Paqijiyê a Şaredariya bajarê Qamişlo Mihdî Eqîl ji Rojnameya me re axivî.
Kar û xebat
Mihdî Eqîl anî ziman ku kar û xebatên beşên paqijiyê di asteke baş de tên meşandin û wiha got: “Karê paqijiyê karekî rojane ye û rojane di seat 6`an de karkerên me derdikevin kolanan û paqijeya kolanan dikin. Herwiha em paqijiya saziyên xwe jî dikin û erebeyên me li nava taxan yên paqijiyê hefiyê 3`ê caran derdikevin. Di heman demê de erebeyên me yên li nava riya bajaran rojê 3`ê caran diçin û tên û karê me bi vê awayî tê meşandin û berdewame. Hejmara karkerên ku karê paqijiyê dikin 150`î ne, ev heftiyeke ku karê me di asteke herî baş de tên birêvebirin.”
Piroje û astengiyên beşa paqijiya a şaredariya bajarê Qamişlo
Mihdî Eqîl da zanîn ku wan kargeheke bi navê ji hevcûdakirina çopê li taxa Elaya a bajarê Qamişlo çêkir û wiha domanid: “Ev şeş meh in ku karker di kargehê de kar dikin û ew amedeye lê li benda amûran in. Herwiha me pirojeyên xwe yên dema pêş hildane li hêviya erêkirinê ne. Di heman demê de pirsgirêkên ku em di karê xwe de dibînin,ew jî şûnmayên kargihanin di bajar de û hem jî erebeyên me yên paqijiyê kevin bûn, nema dikarin kar bikin . Ji ber vê yekê pirsgirêk di karê me de derdikevin, lê em hewldidin ku ev pirsgirêk nemînin û bên çareserkirin.”
Rêveberê Ofîsa beşê paqijiyê a şaredariya bajarê Qamişlo Mihdî Eqîl axftina xwe wiha bi dawî kir: “Pêwîste gel bi me re alîkarbin û bangewaziyam min ji gelê me re heye ku dema erebeya paqijiyê hat li gorî wê demê qirêja xwe derxin.”
