Amara Baran/ Dêrik
Reveberiya Dicle FM Felek Mihemed diyarkir ku Dîcle FM yek ji berhemên şoreşa Rojavayê kurdistanê ye ku kar û xebatên xwe dimeşîne, li gel hemû astengiyên Dewleta Tirk a dagirker jî Dicle FM dengê xwe dide bihîstin û dibe deng û rengê civakê.
Rêveberiya Dicle FM Felek Mihemed ji rojnameya me ra behsa girîngiya çapameniya azad, kar û xebatê Dicle FM kir.
‘Çapemeniya azad roleke girîng dileyîze’
Felek Mihemed diyarkir ku Çapemeniya azad li Bakur û Rojhilatê Sûriyê û çarparçên kurdistanê xebatên girîng dimeşîne û got ” Çapemeniya azad ji bo ku bibe alîgirê rastiyê roleke girîg dileyîze û dibe dengê êş û kêyfxweşiya civakê. Rûxmê hemû metirsiyan jî di hemû qadan de xebatên xwe didomîne. Dicle FM jî di bin siya çapemeniya azad de kar û xebatê dimeşîne da ku deng û rengê gelê Bakûr û Rojhilatê Sûriyê ji giştî cîhanê re ragihîne.
‘Li ser dengê rastiyê Dicle FM xebatê dimeşîne’
Felek Mihemed ragihand ku Dicle FM di 18’ê Gulana 2021’an de weke qanaleke girîng a radyoyê li Bakur û Rojhilatê Sûriyeyê dest bi weşanê kir û wiha got” Rojhilata navîn heremeke tijî pevçûn û alozî ye, ji ber wê jî em wek çapemeniya azad bêalîbûnê bingeh digirin û bi rêya belavkirina çanda hemû pêkhateyên herêmê, hewl didin jiyaneke hevbeş ava bikin ji bo gihandina dengê rastiyê Dicle FM li ser asta herema Dêrikê û derdora wê 18 saetan xebatên xwe dimeşîne ji 7.00’ê sibê destpêdike heta 12.00 şev li ser du pêlan kar dike pêla navendî 100.3 li Bajarê Dêrikê de xebat dike pêla 8.7’jî ji Dêrikê heta qamişlo, ji aliyê Başur de jî heta şengalê dibe dengê rastiyê . Di radyoya Dicle FM de beşa Kontrolê bingeha radyoyê ye ku Radyo li ser hatiye avakirin , di navenda Nûçeyan û beşa Nûçegihaniyê de jî 3 beş hene. Beşa kontrolê, beşa Nûçegihaniyê heye. Navenda nûçeyan bi zimanê kurdî û erebî kar û xebat tê meşandin.
‘Rojevên weşana Dijle FM’
Felek Mihemed got ku” Rojevên ku di weşana me da xwe didin pêş hemla cîhanî ji bo azadiya fîzîkî ya Rêber Apo ku ew 26 salin di gireva îmraliyê de di bin îşkenceyeke giran de tê ragirtin. Meş, çalakî û hevdîtinên ku pêre tên kirin. Herwiha êrîşên Dewleta Tirk li ser parastina medyayê, êrîşên li ser sivîlan û binesaziyên Bakur û Rojhilatê Sûriyê. Êrîşên li ser Rojnamevan, zarok û jinan jî di weşana me da dibin rojevên sereke. Mijarên girêday pêvajoya ku gelê Bakur û Rojhilatê Sûriyê têde derbas dibe û rola jin di şoreşa 19’ê Tîrmehê de, îşkence û destdirêjiya ku li ser jinê tê meşandin. Darizandina jinê li Rojhilatê Kurdistanê û îranê mijarên serekene.”
‘Dicle FM yek ji berhemên şoreşa Rojava ye’
Felek got ku Dijle FM yek ji berhemên şoreşa Rojava ye ku dibe deng û rengê civaka Bakur û Rojhilatê Sûriyê û wiha dirêjahî da axaftina xwe “Di radyoyê de gelek bernameyên taybet jî têne pêşkêşkirin bernameyên siyasî. Civakî, jin, ol û tenduristî û çandî cîh digrin. Li gor geşedanên li Rojava, rojev têne guhertin piştî ruxandina Rejîma baas êrîşên dewleta tirk li ser herema Bakûr û Rojhilatê Sûriyê zêde bûn li ser bendava Tişrînê, Minbic û Eyn Îsa û gelek heremên din bi rêya çete û balafirên xwe êrîşan li ser heremê pêk tîne. Şervanê QSD’ê berxedaniya bêhempa li hemberê wan dimeşîne di heman demê de gelê Bakûr û Rojhilatê Sûriyê bê tirs berê xwe didin Bendava berxwedanê rûxmê ku dewleta tirk gelek caran gel dike armac jî, gel berxwedaniyeke dîrokî dimeşîne. Gelê Bakûr û Rojhilatê sûriyê di dîrokek pir hestiyar re derbas dibe şerê hebûn û nebûnê dide meşandin, berxwedaniya gel ne tene li Rojava, li çar parçê kurdistanê û derveyî welat jî tê meşandin. Di radyoyê de van mijaran bi rêya dosya, nûçe û bernameyan di rojeva me de cîh digrin.
‘Dewleta Tirk rojnamevanên ku rastiyê dişopînîn dike armanc’
Felek di dawiya axaftina xwe de bal kişand ser êrîşên Dewleta tirk yên li ser Rojnamevanan û wiha domand” Li Çar parçên Kurdistanê û taybet li Rojavayê kurdistanê Rojnamevan gelek caran dibin armanca êrîşên Dewleta Tirk a dagirker di êrîşên herî dawiyê de jî 9 hevalên me yên rojnamevan dema ku êrîşên dewleta tirk yên li ser heremê dişopandin bi awayekê hovane hatin hedefgirtin, di nav rojnamevanan de 2 endamên Dicle FM jî bi giranî birîndarbûn. Bila dewleta tirk vê yekê baş bizanibe em ê, tu carî dev ji rastiyê bernedin û heta dawiyê em ê bibin dengê heqîqetê.”
