Ronaz Silêman/Qamişlo
Li bajarê Amûdê Akademiya şehîd Yadê Eqîda ya girêdayî Edaleta Jinê li ser asta kantona Cizîrê dewereya 4’emîn a jinan a perwerdekirina cildûrtinê bi belavkirina bawernameyan bi dawî kir.
Îro Akademiya şehîd Yadê Eqîda ya girêdayî Edaleta Civakî beşê jin dewreya 4’emîn a fêrkirina jinan li ser cildirûtinê bi derçûna 15 jinan bi dawî kir. Berî belavkirina bawernameyan, jinan cilên ku bi destên xwe çêkiribûn pêşkêş kirin.
Li ser nave Akadimiya Şehîd Yadê Eqîda Newroz Eseid diyar kir ku ev nêzî 2 mehane ev perwerde hatibû
destpêkirin û wiha got: “Ev dewereya 4’emîn a fêrkirina jinan bû û armanc ne tenê ku em jinan fêr bikin, lê di heman demê de ku em kombûneke jinan jî çê bikin. Di vê perweredeyê de rengên jinên ciwan jî hebû ku zarok li kêlek dayika xwe fêrî karê dirûtinê bibin. Di heman demê de ev ciwan şagirtê dibistanan bûn, li aliyekî xwendina xwe dikirin û li aliyekî din jî tevlî perwerdeya fêrkirina cildirûtinê jî bûn. Herwiha piştî bidawîbûna vê perewerdeyê me dest bi qeydkirina navan ji bo perwerdeya 5’emîn jî kiriye.”
Di heman çarçoveyê de endama Edaleta Jinê ya kantona Cizîrê Gulîzar Ibrahîm diyar kir ku armanca wan ew e ku jin bê kar nemînin û wiha got: “Em weke Edaleta Jin hewl didin ku hemû jin kar bikin û aboriya xwe bi keda xwe werbigirin. Di heman demê de karê we bibe alîkar ji bo berdewamkirina jiyanê.”
