Can Yûsif
Tala delal tenê hiştin
Dê û bavê wê zû kuştin
Bê guneh bû sêwî hiştin
Cerg û dilê wê periştin.
***
Sebra Tala tenê nayê
Bo kî bêjê bav û dayê
Sêwî hiştin li dinyayê
Can û ceger lê qeliştin
***
Çi dinyakî pûç û vale
Ev çi rewşe ev çi hale
Tala sêwî ma dinale
Dayîk û bav gura kuştin
***
Ka edalet qey li kû ma
Mafê insan çû li dû ma
Ji kî bikin evro loma
Ji ber ku em kurd bê piştin
***
Dijminê me ne mirove
Dev bixwîne hirç û hove
Em nas dikin wî ji zû ve
Karê wî ye her xwîn miştin
***
Çi gunhê Edhem û Hêza
Bo jînek xweş wan bi rêza
Dîroka rast wan di xêza
Gurên çavsor ewna kuştin.
***
Wekî Tala gelek cêwî
Zarok mane evro sêwî
li çarhêlan bûne rêwî
Bê cî û war tenê hiştin.
***
Qey heqê me Kurda nîne
Li vê jînê em bijîne
Em bê dost û bê xwedî ne
Dijmina xwîna me miştin.
