Şîlan Mihemed
Di 8 kanûnê 2024’an de gelê Bakur û Rojhilatî Sûriyê ji bo av û kehreba xwe biparêzin her wiha ji bo pişTgirtiya şervanên QSD’ê û YPJ’ê bikin û li ser fikra şerê gelê şoreşgerî, gel berê xwe da bendava tişrînê, kerwanê gel rastî bombebaranê û topbaranê hat,lê ruxmî wê dayîka ji Kobanê deyîka Edilê bi gotina xwe em ji mirinê mezintirin û hildana nîşana serkeftinê, gelê Kobanê bi îsrareke mezin gihîştin bendava berxwedanê.
Rêya ji Kobanê heya bendavê,riya herî xeter e, ji ber li ser wê riyê gelek kes şehîd ketin û erebeyên ambulansê û tîmên tenduristî rastî êrîşên balafirên bê mirov hatin, ew kesên ku rihê însanan xelas dikin û karekî mirovî dikin. Bi zarokên herî biçûk heta kesên temenê wan mezinin tevî kopalên xwe berê xwe dan bendava şehîdan û berxwedanê, bi taybet dayikên mezin û kesên nexweş, her dibêjin tirk zilmê li me dikin em bi dilekî şewitî hatina vir ji bo zerokên xwe. Di nav berxwedana gel a li bendava Tişrînê de gelek çîrok hene, yek ji wana cîrokên herî bi êş çîroka Hêza û hevjînê wê Edhem ku wan jî xwest weke her kesî beşdarî berxwedana dîrokî ya li bendava Tişrînê bibin, Hêza û Edhem keçeke wan a biçûk heye, navê wê Tala ye, hîn temenê wê nebûye salek li gel malbata xwe hiştin û çûn bendavê, dema gihîştin bendavê gel rastî êrîşê hat û gelek kes birîdar bûn û Hêza û hevjînê xwe Edhem şehîd bûn û Tala tenê hiştin.
Bi gotina em hatin seda Tişrînê, şanogerê kurdistanê ku bi navê Bavê Teyar tê naskirin bi gelê Qamişlo re berê xwe da bendava Tişrînê , di şanoyeka xwe de Bavê teyar got em behsa welatekî dikin qelanê welat ne arzane, dema Bavê Teyar govenda azadiyê li bendava Şehîdan digerand hatin topbaran kirin û şehîd ket. Di 26’ê Çile de roja serkeftina Kobanê li dijî DAIŞ’ê gelê Kobanê li bendava berxwedanê xwestin bi şahîyekê lidarbixin, gel dîsa rastî êrişan hat û gelek kes birîndar bûn, ji ber ti carî Tirkiyê binketina DAIŞ’ê qebûl nekir. Bendava Berxwedanê bû cihekî pîroz ji bo gelê Bakur û Rojhilatê Sûriyê, ji ber ku li wir xwîna gelan bû yek û destanên lehengiyê hatin xêzkirin, ev bû 27 rojin gel li hemberî degirkeriya tirk li ber xwe dide û çavkaniyên jiyanê diparêze.
