Argêş Viyan/Qamişlo
Pêşengeha şêwekarîyê ya “Bi rengê berxwedana Tişrîn ê” bi domandina 5 rojan ji bona serlidana welatiyan bidawî bû. 12 hûnermend û 24 tabloyên ku di şêwekarên li bajarên Bakur û Rojhilatê Sûriyê yên cûda hatibûn xêzkirin li pêşingehê hat pêşkêşkirin.
Pêşengeh ji bona berxwedaniya şervan û gelên li niha Bendava Tişrînê berxwe didin û şehîdên mezin yên Bendava Tişrînê şanoger Bavê Teyar (Cuma Xelîl), Rahênerê navdar Kefo Osman û endamê Meclîsa Giştî ya PYD’ê Menice Haco Heydo hat diyarîkirin. Hat gotin ku tabloyên ku pêşengehêde hatin xêzkirin, dê bê şandin ji bona Bendava Tişrînê jî ji bona gelê berxwedaniyê de bê pêşkêşkirin. Pêşengeha şêwekariyê di dîroka 24’ê Çileya 2025’an destpêkirî bi domandina 5 rojan 29’ê Çileya 2025’an hat bidawî kirin. Di nav tabloyên hatine xêzkirin de, şehîdê Bendava Tişrînê şanogerê mezin Bavê Teyar di aliyê welatiyan ve rastî eleqeyek mezin hat.
Em bi hûnera xwe didin diyarkirin ku em kêleka şervanên xwe ne
Şêwekara ji bajarê dagirkirî ya Efrînî Yara Hesko jî got ku emê weke
hûnermend dê kêleka berxwedaniya QSD’ê û YPJ’ê bin û wiha anî li ser ziman: “Em jî weke şêwakarên Rojavayê Kurdistanê me jî hêvî kir ku risteke me jî di vê berxwedaniyê de hebe. Tabloyên me hûnera me dide xuyakirin. Weke gelê Bakur û Rojhilatê Sûriyê jî pêvajoyek pir bi hesas de em derbas dibin. Ji ber wê ye erka me hemûya ne çi bikeve li ser milê kîjan kesayatê divê em pêkbînin. Em 12 hûnermend û 24 tablo tevlî pêşengehê bibûn. Emê bi wan tabloyane jî bişînin li bendava Tişrînê ji bona berxwederên li wir bê pêşkeşkirin. Em hêvî ne rojên pêş yên serkeftinê ne û baweriya me heya dawîyê hêza me heye.”
