Dilovan kêfo/Amûdê
Berxwedana şêniyên Herêma Bakur û Rojhilatê Sûriyeyê ji bo parastina Bendava Tişrînê ji êrişên dewleta Tirk a dagirker û çeteyên girêdayî wê, dewam dike.
Welatiyên bajarê Amûdê Beşîr Mele Newaf, Ronî Ebdê û Hemdiye Ebdilah balkişandin ser berxwedaniya ku bendava Tişrînê tê meşandin û di vê çarçoveyê de ji Rojnameya me re axivîn.
‘Armanca dewleta tirk hilweşandina rêveberiya xwesere’
Mamoste Beşîr Mele Newaf diyarkir ku “Heger em li dîrokê vegerin emê bizanibin ku faktora sereke ya serkeftinê
berxwedaniye. Heger ew berxwedan xwe nesipartibe aliyê wê yên mafdarî bê guman wê lawaz be. Em bi çavên xwe dibînin Ku çawa li bendava Tişrînê ku şervan li hemberê dijmin berxwedanî dikin, her wiha armanca êrîşên dewleta tirk tunekirina gelê kurde û helwişandina ezmûna Rêveberiya Xweser e. Ji ber vê yekê dema ku em dibînin aliyên wê yên coş û kelecanê ku piştgiriya hêza xwe dikin gelekî giringe û em bi hêvîne ku hemû civak çi mamoste, Rewşenbîr, siyasetmedar û hwd, pêwîste piştgiriya şervanan bikin, hebûna hêza me hebûna me ye.
Serkeftin ya gelê kurd e
Welatiyê bi navê Ronî Ebdî jî got: Berxwedaniya ku îro li bendava tişrînê tê meşandin berxwedaniyeke bêhempaye û di dîrokê de cihekî xwe yê girîng digre, û wiha anî ziman” hêviya me ewe ku gelê kurd xwedî li vê berxwedaniyê derkeve, hebûna hêza me hebûna me dide nîşandayîn, şerê ku îro tê meşandin şerê hebûn û tunebûnê ye. Armanca dewleta tirk û çeteyên wê ewe ku berxwedaniya gelê kurd bişkîne. Em ji dewleta tirk re dibêjin ku em ji hêza xwe bawerin wê serkeftin ya me be, an serkeftin an serkeftin.”
‘Dewleta tirk êrîşê hebûna gelê kurd dike’
Welatiya bi navê Hemdiya Ebdilah jî wiha got ” Di serî de em berxwedaniya şervanan a li bendava Tişrînê pîroz dikin û em ji hêza xwe re dibêjin ku emê hertim piştgiriya we bikin . Hêviya me ewe ku em xwedî li hêza xwe derkevin û çi ji me bê xwestin em amedene, hêza me hebûna me ye, ji ber Ku dewleta Tirk a dagirker êrîşê
hebûna gelê kurd dike. Emê tucaran rê nedin dewleta tirk ku axa me dagir bike. Hertim serkeftin wê para me be.
