Dîlan Mulhim/ Qamişlo
Dayîkên bajarê Qamişlo diyar kirin ku ew ê heta dawiyê parastina axa xwe bikin û wiha gotin: “Pêwîste her kes bi rihê Şerê Gelê Şorşgerî dakevin meyidanê û parastina axa xwe bikin.”
Piştî ketina rêjîma Baas û kontirolkirina beşekî mezin ji axa Sûriyê ji aliyê HTŞ’ ê ve gelek guhertin li herêmê çêbûn. Di dema niha de herêma Bakur û Rojhilatê Sûriyê di rewşeke awarte de derbas dibe û gelên herêma Bakur û Rojhilatê Sûriyê xweparastinê wekî erkeî xwe yê sereke dibînin. Di vê çarçoveyê de welatiyên bajarê Qamişlo li ser bingeha Şerê Gelê Şoreşgerî parastina tax, bajar û gundên xwe dikin.
Derbarê girîngiya parastina jinan ji taxên xwe re, dayikên bajarê Qamişlo yên bi navê Fadiya Xelef û Cîhan Mûsa ji Rojnameya me re axivîn.
Dayika bi navê Fadiya Xelef da zanîn ku di vê dema niha de ku kompilo li ser kurdan heye ji bo mafê gelê kurd
tune bikin, pêwistî bi xweparastinê heye û wiha got: “Di vê demê de ji her kesî tê xwestin ku bi rihê şerê gelê şoreşgerî parastina herêma xwe bikin û bi şev roj têkoşînê bikin. Herwiha em ê rajin çek û bi hêza xwe QSD‘ ê re û li hemberî dijmin şer bikin û piştgiriya zarokên xwe bikin. Me sozek bi welat û şehîdê xwe re daniye û heta bihêndana dawî em ê li hemberî dewleta Tirk û çeteyê wê berxwedaniyê û têkoşînê bikin. Em ê bi hebûna xwe Erdogan û çeteyên wî têk bibin. Ev ne care yekeme ku Erdogan û çeteyên wî tên şikandin, Erdogan bi van êrişên xwe nikare vîna gelê kurd têk bibe, ji ber ku gelê kurd xwedî hêze.”
Fadiya Xelef anî ziman ku armanca dewleta Tirk ew e ku bi van êrişên xwe vîna gelê kurd bişkîne û wiha got: “Dema ku zarokên me şehîd dikevin bêhtir morala me xurt dibe û dewleta Tirk nikare bi van êrişên belafirên bê mirov tirsê bixe dilê me. Em ê bi hemû hêza xwe li hemberî dagirkeriyê bisekin û şerbikin. Axa Rojavayê Kurdistanê bi hezaran şehîd dane û em ê jî heta dawiyê berxwedaniyê bikin. Em ê li pişta hêza xwe bisekinin û parastina axa xwe bikin. Herwiha ji her kesî tê xwestin ku parastina axa xwe bike û bi taybet dayîk ji ber ku dayîk parastina mal û zarokê xwe dike, pêwîste parastina welatê xwe jî bike. Banga min ew e ku her dayîkek parastina axa xwe bike û bibe bersivek ji bo dijmin.”
Dayika bi navê Cîhan Mûsa jî eşkere kir ku ew her şev derdikevin li nava taxa xwe ji bo ku parastina taxa xwe bikin
û wiha domanid: “Di dema niha de parastin girînge ji ber ku rewşa herêmê ne arame û pêwîste ku her kes parastina axa bike. Herwiha parastin ji her tiştî girîngtire û ji bo ku em xwe ji dijmin biparêzin, pêwîste em têkoşînê bikin û piştgiriya şervanên xwe yên ku di çeperên şer de berxwedaniyeke bêhempa didin meşandin, bikin. Rewşa herêmê ya niha nebaş û xeterî li ser heye, ji ber vê yekê xweparastin erkê her kesî ye ne tenê yê şervanan e.”
Cîhan Mûsa destnîşan kir ku pêwîste her kes tevlî Hêza Parastina Civakî bibe û parsatina axa xwe bikin û wiha qedand: “Pêwîste her kes raje çek û parastina herêma xwe bike. Banga min ji keç û xortên me re heye ku tevlî Hêza Parastina Civakê bibin. Erdogan dibêjê ez ê we û çekê we binerd bikim, lê ne ew û ne bavî wî nikare me binerd bike û heta dawiyê em ê piştgirya hêza xwe QSD‘ ê bikin û li hemberî êrişan berxwedaniyê bikin. Di heman demê de heta dilopa xwînê di laşê me de hebe em ê parastina axa xwe bikin.”
