Nehîr pale / Reqa
Ji Cezîrê heyanî Reqayê, ji Tebqayê heyanî Kobanê bi hezaran gelên Bakur û Rojhilatê Sûriyeyê berê xwe dan bendava Tişrîn. Berxwedana bendava Tişrîn 31 rojê li hemberî balafirên dewleta Tirk a dagirker berdewam dike. Şervanên QSD`ê 8`ê Kanûnê 2024`an li hemberî balafirên dewleta Tirk a dagirker li ber xwe didin.
Gelê Bakur û Rojhilatê Sûriyeyê xwe birêxistin kirin û ji saetên sibehê ketin rê. Gelê Reqayê û Tebqayê ew cara yekem bû ku berê xwe didin eniya şer û wê xwe bighînin bendava Tişrînê. Çi li pêşiya wane nediyare, jin, mêr, ciwan û kalemêr xwe amade kirine wê berê xwe bidin bendava Tişrînê.
Saet 11.30 karwanê Kantona Cizîrê û Reqayê ketin rê û li bendava gundê El-Mehmûdlî yê girêdayî kantona Tebqayê gihîştin karwanê Tebqayê. Dizanîbûn berê xwe didin eniya şer û şerê li Bendava Tişrîn mereq dikirin. 2000 erebe ji Kantonên Bakur û Rojhilatê Sûriyeyê berbi bendava Tişrînê ve diçûn. Balafirên bêmirov ên dewleta Tirk ji bajarê Cirniyê yê girêdayî kantona Tebqayê dest bi şopandina karwan kirin û hewldan gel bitirsînin da ku bi pêşve neçe. Karwan hemû gundên ku hatibûn bombebaran kirin derbas kir û gihîştin gundê Rimale yê girêdayî Minbicê. Gundê Rimale 13 km ji Bendava Tişrînê dûr e, ji bo gel bi paşve vegere balafirên dewleta Tirk a dagirker dest bi bombebarankirina gel kirin. Riya di navbera karwan û bendavê de bombebaran kirin da ku erebe nema bikaribin bi pêşve biçin. Karwan sekinî û gel ji erebeyan peya bûn û bi meşê berê xwe dan Bendava Tişrînê. Her gel bi pêşve diçûn balafirên dewleta Tirk a dagirker bombebaran xwe zêde dikir. Di bin balafirên keşfê û balafirên şer ên dewleta Tirk de gel 13 km meşiyan heyanî ku gihîştin bendava Tişrînê.
Koçberên Efrîn û Şehbayê jî cihê xwe ji meşê de girtin.
Gelê Efrîn û Şehbayê têkoşîn û berxwedana xwe ya li hemberî dewleta Tirk a dagirker û çeteyên wê berdewam dikin. Ji kantona Tebqayê û Reqayê tevlî meşê bûn û berê xwe dan bendava Tişrînê.
Koçberan bi navê Hêvîn Mustefa ya ku di sala 1979`an de li navçeya Cindirêsê ya Efrînê ji dayîk bûye. Piştî ku Efrîn di sala 2018`an ji aliyê dewleta Tirk û çeteyên wê ve hat dagirkirin tevlî malbata xwe derbasî gundê Til-Qerah ê yê girêdayî Şehba bûn. 2`ê Kanûna 2024`an dîsa li hemberî dagirkeriya Tirkiyê û çeteyên wê berê xwe da kantona Reqayê. Ew dayîka du zarokane û niha li dibistana Ednan El-Malikî ya bajarê Reqayê dimîn in. Duh tevî malbata xwe berê xwe dan bendava Tişrînê. Dema ku balafirên dewleta Tirk karwanê gel bombebaran kirin ew jî giran birîndar bû û Rêveberiya Kombûna Jin a Zenûbiya Kerem Ehmed El-şehab.
Piştî ku karwanê gel 13 km meşiyan saet 02:45 gihîştin bendava Tişrînê. Li bendavê şervanên QSD`ê gel pêşwazî kirin. Gel şervanên ku bendava Tişrînê diparêzin û ev bûye 30 roj li ber xwe didin û hembez kirin. Gel amade bû ku canê xwe di ber şervanan de feda bike. Şer berdewam dikir, balafirên keşfê û şer li ser gel digeriyan, bendav dihat bombebaran kirin heyanî vê kêliyê jî gel çalakiya xwe berdewam dike.
Hevdîtina gel û şervanan, îradeya gel a li hemberî balafirên şer û keşfê yên dewleta Tirk a dagirker kêlî û demên dîrokî ne.
