Ji meydanan ragihandina heqîqetê û ji qadên şer îfadekirina kêliyên têkoşîn û berxwedaniyê, destkeftiyên şoreşa mirovahiyê parastine. Lê ger ev yek bi nêrîn û îradeya jinê derbikeve, têkbirina zihniyet û pilanên kevinperesta ye. Di salvagera 4`emîn ya demezrandina Ajansa Jin Nûjinha de ev yek hate tekezikin.
Esma Mistefa/Qamişlo
Di 6`ê Çileya 2021 an de Ajansa jin ya Nûjinha yê li ser asta Rojhilata Navîn hate demizranidin. Bi derbasbûna 4 salan li ser menbera ragihandina heqîqet û dengê doza jinê re, careke din li ser şopa rêhevalên ku di oxira mezinkirina şoreşa azadiyê û doza jina azad giyanên xwe fedakirine; ev soz hate nûkirin. Derbarê salvegera 4` emîn ya demezrandina Ajansa Nûjinha yê Endama Ajansê Şêrîn Mihemed ji rojnameya me re axivî.
Nûjinha li ser hîmên derxistina heqîqtê avabû
Şêrîn di destpêkê de bal kişand ser
armancên ku xwe li ser avakirine û wiha got: “Nûjinha bi mezinbûna şoreşa Rojavayê Kurdistanê re, li kêlek ajans û televezyonên jin yên ku bi vê şoreşê re hatine avakirin di sala 2021`an de li ser asta Rojhilata Navîn hate avakirin. bê guman bi armacêb gelek mezin û bi îradeya jina azad yak u rola sereke di şoreşê de girtiye hate avakirin. li ser hîmên derxistin heqîqeta ku di oxira wê de gelek rêhevalên hêja canê xwe feda kirine, ajansa Nûjinha jî bi wê armancê xwe mezin kir.
Hebûna ragihandina jin di nava şoreşê de, ew berdewamkirina mîrasê wê yekê ye. ji destpêka avabûnê de li her derê û ji hemû qadên berxwedanê me heyanî astekê çîrok, êş, serkeftin û helwestên jinan derxistina pêş. di heman demê de kiryarên dagirkeriyê yên ku jinê digrin hedef bi hêza çapemeniya azad derketin pêş”.
Hêza TV, Ajans û giştî çapemeniya jin, zihniyet hidiweşîne
Şêrînê di berdewamiya axaftina xwe de ev da diyarkirin: “Hebûna jin di nava xebatên ragihandinê de, derbeye ji hemû zihniyetên paşverû yên ku li pêşiya vê yekê dibûn asteng. Di demên berê de me didît ku çawa jin bi rihetî nikare di nava ragihandinê de cih bigire û ji hemû milan ve dihate êrîşkirin. Lê niha em vê yekê bi mezinkirina televezyon, ajans, radio û bi giştî xebatên çapemeniya jin, em vê yekê hildiweşînin”.
Li ser şopa rêhevalên xwe şopandina heqîqtê
Şêrîn anî ziman ku wê li ser şopa rêhevalên xwe pêşvebiçin û wiha got: “Dagirkerî û dijminê me bi sala ye ragihandin û kesên ku ji bo doza gelê Kurd kar dikin dike hedef. Ev ji encama tirsonekî û xeteriya ku li ser xwe dibîne ye. bi dehan rêhevalên me di vê xetê de Şehîd bûne, lê ev rê nehat qutkirin, ev xeta ku xwe disipêre têkoşîna bi dehan salan wê bi hêsanî neyê têkbirin. Li ser vê esasê em ê bi hebûna xwe, rihê rêhevalên xwe, bi kamîre û pênûsa xwe bibin şopdarên rastî û heqîqetê”.
