Nehir Pale
Xaliya jî, yek ji hezar zarokên Efrînê ye ku li hemberî dagirkeriyê biryara berxwedanê da ye. Di temenê 6 salî de, hîna destbi dibistanê nekiribû ji gundê xwe Şêx Hedîd ê girêdayî navçeya Şiyê yê Efrînê bi malbata xwe re derbasî Şehba bû. 7 salan jî li Şehba mîna hemû zarokên Efrînê yên xaka wan hatibû dagirkirin, hewldanên xwe yên jiyanê berdewam dikir.
Xaliya Cuma Misto zaroka malê ya mezin e, dema ku li Şehba bûn dibistan dixwend. Bavê wê li şaredariyê dixebitî, ew jî dema ku ji dibistanê vedigeriya li gel dayîka xwe dixebitî.
Xaliya 13 salî ji sala 2018’an ve li ber xwe dida ji bo vegerê Efrînê. Ne li bendê bû ku ji Şehba jî derbikevin û werin kantona Tebqayê. Êdî şert û mercan Xaliya fêrkirine ku berpirsyartî rabike. Niha jî tevî malbata xwe li kantona Tebqayê ne. Êdî dayîka wê nema dikare bixebitê, ew bi tena xwe alîkariya bavê xwe dike da ku jiyana xwe berdewam bikin.
Zaroka Efrînê ji demên sibehê bakêtên çixarê datîne pêşiya xwe û dixebitê. Ji ber dagirkirina Tirkiyê ya Efrîn û Şehbayê Xaliya jî mîna hemû zarokên Efrînê niha nikare biçe dibistanê. Ev hewl dide ku bi dayîk û bavê xwe re bibe alîkar û li hemberî derfetên koçberiyê bikarbe li ber xwe bide.
