Argêş Viyan
Ji bona zarokên Efrînê yên ku ji ber êrîşên dagirkeriya dewleta Tirk koçber bûne, ji boneya Sersalê ya sala 2025’an şahiyek hûnerî bi dirûşmeya ‘Zarok Pêşeroja me ne’ amadekariya Çand û Hûner a Mihemed Şêxo ya li bajarê Qamişlo hatlidarxistin.
Di şahîyê de, gelek komên zarokan yên stranan derketin ser dikê û hûnerên xwe yên gelerî pêşkeşî guhdarvanan kirin. Zarok bi cilên gelerî û yên ku sersalê tên pêkirin kesayatên navdar yê binavê Bavê Noel hat bi çoşek mezin tevlî şahiyê bûn.
‘Zarok parastina axa welatin pêwiste em pêşeroja xwe biparêzin’
Şahiyê de destpekê li ser navê Desteya
Çandê a Qamişlo Keder Hisên Axîvî û wiha got: “Em wek endamên Çand û Hûnerê, gelek giringî didin zarokên pêşerojê. Ji ber wê yekê ji bona zarokên me yên Efrînê me şahiyek sersalê darxist. Zarokên me keyfxweşî bikevin sala 2025’ê ev keyfxweşiya mey e. Zarok parastina axa welatin pêwiste em pêşeroja xwe biparêzin ”
‘Emê bi xebatên wisa berdewam bikin’
Derbarê amadekariya Şahiyê de, Komiteya Amadekar Ehmed Hemo wiha anî ser ziman “Em wek endamên Navenda Çand û Hûnerê a Mihemed Şêxo û bi hevkariya Desteya Çandê a bajarê
Qamişlo me şahiyek wisa amade kir. Em nabêjin zarokên koçberan, em dibejin zarokên me ne. Di wê temenê piçûk da koçberî jiyan kirin. Em jî ti caran nahêlin ev xwe wek mêvan bibînin. Ji ber wê yêkê hatina sersalê we me me erenî dît ku ev şahî bê amadekirin. Gelek komên strana yên zarokan yên bajarên din jî be gazî kirin lê mixabin nekarin bên. Emê xebatên xwe yên bi wî şêwazî bidomînin.”
Di Şahiyê de zarokên pêkhateyên Siryan, Ereb û Ermen jî tevlîbûn. Girtina govendê di aliyê zarokan we şahî bi dawî bû.
