Ronaz Silêman/Qamişlo
Berpirsê xeta Hilêliyê û Kornîş û yek ji ajokarên erebeyên xeta Hilêliyê nerazîbûna xwe ji belavkirina benzînê her 10 rojan nîşan dan û gotin, “Em dixwazin benzîn û cihên rawestandina erebeyan vegere mîna berê.”
Li bajarê Qamişlo pirsgirêka rakirina nirxê erebeyên xetan her demekê derdikeve pêş, li gorî ajokaran ew e ku benzîna wan ji aliyê cihê peywendîdar tê kêmkirin û ew neçar dibin ku berê xwe bidin benzîna azad. Lewra bi serê xwe bey biryareke fermîn nirxên çûn û hatinê bilind dikin. Di heman demê de cihê guherina erebeyên xeta Hilêliyê û Kornîş nerazîbûn li cem ajokaran derxistiye pêş.
Derbarê guhertin û zêdekirina nirxên ajokarên xetên erebeyan li bajarê Qamişlo berpirsê erebeyên xeta Hilêliyê Heysem Temo, berpirsê xeta Kornîş Ednan Elî û yek ji ajokarên xeta Hilêliyê Seyf-Eldîn Mihemed ji Rojnameya me re axivî.
Berpirsê erebeyên xeta Hilêliyê Heysem Temo diyar kir ku berê di destpêka her hefteyê de benzîn
li ajokaran dihat belavkirin lê niha bûye her 10 rojan û wiha got: “Di destpêka her heftiyê de, her erebeyek 75 litir benzîn werdigirt û heqê wê benzînê 425 wereqe bû, lê niha bûye her 10 rojan, lê têra erebiyan nake. Lewra ajokar bêçare dibin ku berê xwe bidin benzîna azad, her literek benzîna azad jî bi 6 hezaran e û ev nirx buhaye. Daxwaza me ew e ku belavkirina benzînê û cihê rawestandina erebeyên xeta Hilêliyê vegere weke berê. Ji xwe niha her ajokarek li gorî xwe nirx werdigire, hin 2 hezar û 3 hezar û hin jê jî 4 hezar distînin, ev nirx jî bey biryareke fermî ye.”
Di heman demê de Berpirsê erebeyên xeta Kornîş Ednan Elî diyar kir ku ew jî mîna erebeyên xeta Hilêliyê her heftane 75 litr benzîn werdigirtin, lê niha bûye her 10 rojan û wiha got: “ Benzîna ku tê
belavkirin, têra çend çûn û hatinan nake, lewra her ajokareke berê xwe dide cihê binzîna azad, lê ew jî di destê me dernakeve ku rojane benzîna azad bi nirxên buha bikirin, ji bo wê her ajokarekî heqdestê xwe li gorî xwe werdigire. Lê dema ku wergirtina benzînê veger weke berê wê heqê erebeyê jî veger mîna berê ku 2 hezar her serê şexsekî.”
Nerazîbûna hemû ajokaran ji bo belavkirina benzînê her 10 heye
Yek ji ajokarên xeta Hilêliyê Seyf-Eldîn Mihemed daxwaz ji cihê peywendîdar ên li ser sotemeniyê
disekinin kir ku beznîna erebeyên xetan vegerînin weke berê û wiha got: “Em dixwazin benzîna me her heftiyê bê belavkirin, ji ber ku belavkirina her 10 rojan nerazîbûneke li cem hemû ajokaran derxistiye.”
