Dilovan Kêfo/Amûdê
Derbarê rewş û geşedanên dawiyê li Bakur û Rojhiklatê Sûriyê û tevahiya Sûriyê, Partiya Yekîtiya Demokratîk li bajarê Amûdê civînek ji gel re lidar xist. Di civînê de bi dehan welatiyên bajêr amade bûn.
Ji bo nirxandina rewşa dawî li seranserî Sûriyê û bi taybet li Bakur û Rojhilatê Sûriyê , Partiya Yekîtiya Demokratîk PYD’ê li bajarê Amûdê ji gel re civîneke berfireh li dar xist.
Di civîne de endamên saziyên Rêveberiya Xweser, saziyên sivîl û welatiyên bajarê Amûdê beşdar bûn. Di civînê de hat tekezkirina i ser girîngiya xweparastina cewherî û xwedîderketina li xakê. Herwiha girîngiya sekna li dijî Şerê Taybet ku ji aliyê dagirkeriya Tirk û çeteyên wê tê meşandin. Di civînê de balhat kişandi li ser girîngiya yekrêziya kurdî li hemberî gef û planên ku dijminên gelê kurd pêk tînin.
‘Pêwîste her kes xwedî li axa xwe derkeve’
Di derabrê civînê de endama Miclisa Partiya Yekîtiya Demokratîk PYD’ê Şêrîne Dawûd ji rojnameya me re axivî û wiha got: “Ji nîqaşkirina rewşa herêmê bi giştî û bi taybet Bakur û Rojhilatê Sûriyê, me civînek ji welatiyên bajarê Amûdê lidar xist. Ji ber ku em di qonaxeke pir hestyar û xeternak re derbas dibin û pêwîste gelê me jê agahdar be.”
Endama Miclisa Partiya Yekîtiya Demokratîk PYD’ê Şêrîne Dawûd axaftina xwe wiha qedand: “Îro
dagirkeriya Tirk dixwaze tevahiya gelê kurd li Rojava tune bike û herêma me dagir bike, ji ber wê bi tevahiya rêbazan êrişên xwe li dijî herêma me dewam dike. Di pêvajoyeke wiha de pêwîste her welatiyek bi erkê xwe rabe û xwedî li destkeftî û xwîna şehêdên xwe derkeve.”
