Dilovan Kêfo/Amûda
Hunermeda ciwan Delîla Agirî diyar kir ku mirov dikare bi rêya muzîkê hest û ramanên xwe derxîne holê û wiha got: “Ez bi rêya Muzîkê nameya xwe pêşkêşî her keasî dikim, muzîk ji bo min tîmara rihe.”
Rojavayê Kurdistanê bi hunermendên xwe yên ciwan dewlemende, bi taybet jinên ciwan di salên dawiyê de bi hunera xwe nasnameya jina pêşeng û çalak derxist holê. Yek ji wan jinên ciwan yên Rojavayê Kurdistanê ku bi hunera xwe nameya xwe belavî her derê dike, Delîla Agirî ye.
Hunermenda ciwan Delîla Agirî li bajarê Amûdê ji dayik bûye, temenê wê 17 salî ye û di qonaxa amadeyê de bi zimanê dayikê xwendina xwe berdewam dike.
Derbarê huner û jiyana xwe de hunermenda ciwan Delîla Agirî ji rojnameya Ronahî re axivî.
Hûnermenda kurd Delîla Agirî diyar kir ku ew ji zaroktiya xwe ve ji muzîkê û dengbêjiyê hez dike, herwiha wê di temenekî pir biçûk de dest bi dengbêjiyê kiriye, ji ber ku ew ji malbateke hunerî ye. Li gorî Delîla ew ji bafê xwe fêrî muzîk û dengbêjiyê bûye.
‘Hozan Serhed bandor li min kir’
Delîla Agirî wiha domand: “Min li Çand û Hunera Amûdê cihê xwe girtiye, koma me ya xweser bi navê koma Şehîd Delîla ye. Em tevlî hemû şahiyan dibin û em kêfxweşiyekê derbasî dilê civaka xwe dikin, her wiha du sitrananên min hene, sitrana bi navê Evder Rojava ye û ya din jî em Zarokên Rojava ne. Hûnermendê ku herî zêde bandor li min kir hunermendê nemir Hozan Serhede bû, herwiha tevahiya hunermendên ku ji bo welatê xwe xizmet kirin cihê rêzgirtin û serbilindayêne. Di muzîkê de tu rengên min yê taybet tune ye, kêfamin ji hemû rengan re tê, ji ber ku divê hunermend bi hemû rengan zanibe sitranan bêje.”
‘Hunermend dilê civakê’
Delîla da zanîn ku wê bi biryardariyeke mezin tevahiya astengî derbas kirin û wiha got: “Di rêya min ya hunerî de herî zêde malbata min piştgiriya min kir, bi taybet bavê min gelekî piştgiriya min kir û min fêrî muzîk û dengbêjiyê kir. Çi qas astengî di rêya min de derdikeve bi hezkirina min ji muzîkê re astengî derbas dibin. Mirov bi hezkirinê her zehmetiyan derbas dike. Bi taybet hunermend, ji ber ku ew dilê civakê ye.”
‘Pêwîste ciwan xeyalên xwe pêk bînin’
Hunermenda ciwan Delîla Agirî axaftina wiha qedand: “Şîreta min ji bû her ciwaneke xwedî xewin û jêhatî ku xwein û xeyalên xwe pêk bîne. Herwiha pêwîste her ciwanek xwe pêşbixe û nerînên neyinî paşguh bike. Herwiha ez dixwezim her dem xwe pêşbixim, hêviya min ku em tevahî bi aramî û aştî jiyan bikin.”
