Dîlan Mulhim/ Qamişlo
Koçbera 80 salî Hemîda Oso ku ew jî ji ber êrişên çeteyên dewleta Tirk a dagirker ji Şehbayê berê xwe dayê bajarê Qamişlo diyar kir ku dema ew ji herêmê derdiketin çeteyan kurê wê serjêkirin. Hemîda ji bo rewşa xwe ya tendirustî daxwaza alîkariyê kir.
Di 28`ê Mijdarê de çeteyên girêdayî dagirkeriya Tirk êrişî Şehbayê û Til Rifetê kirin, di encamê de gelê Efrînê yê li Şehbayê careke din koçber bû û berê xwe da Herêma Rêveberiya Xweser yên bi ewle. Herwiha piraniy gelê Şehbayê û Til Rifetê bi darê zor ew ji male wan kirin der. Çetayan malê koçberan bi giştî dagirkir û mal û milkê wan ji xwe re birin.
Hûrguliyên koçberiyê
Hemîda Oso di destpêka axftina xwe de wiha got: “Dema ku Efrîn di 2018’an de, ji aliyê tirkiyê û
çeteyê wê ve hate dagirkirin em koçberî Şehbayê bûn. Di heman demê dema ku em koçberî Şehbayê bû, Rêveberiy Xweser gelek destek û alîkariya ji bo koçberan dikir. Herwiha Rêveberiya Xweser 7 salan xwedî li koçberên Şehbayê derdiket, lê dema ku êrişî ji aliyê çeteyan ve li ser Şehbayê çebûn. Em bi giştî bi dare zorê ji malên xwe koçber bûn, çeteya ketin malê me bi giştî talan kirin û mirov bi rengekî hovane serjêrkirin. Em destpêkê ji şehbayê koçberî bajarê Tebtayê bûn, lê ji ber ku hejmara koçberan zêdebû koçberan û cih nemabû. Piraniya koçberan berê xwe dane herêmên bi ewle yên Rêvebiriya Xweser. ”
‘Pêwîstiya me bi hemû pêdiviyên jiyanê heye‘
Hemîfa Oso axftina xwe wiha berdewam kir: “Rewşa min ya tendirustî nebaşe, gelek nexweşiyên giran bi min re hene. Ji ber ku her du lingên min nînin, ez li ser destan dimeşim, pêwîsta min bi alîkariyê heye. Dema ku me ji Tebqayê berê xwe dane bajarê Qamişlo em derbasî lîstgeha 12’ ê Adarê bûn û em man di erbeya xwe de, ji ber ku hewa sarbû, zarokên me nexweş ketin. Êşa koçberiyê nebesî mebû, di rê de lawekî min jî li pêşiya çavê min serjêrkirin. Gelek kes dema di rê de diçûn ketin destê çeteyan. ”
Hemîda Oso axftina xwe wiha bi dawîkir: “Daxweza min ew ku di demeke zû de me bicih bikin û rewşa min ya tendirustî di ber çavan re derbas bikin. Herwiha pêwîstiya me bi pêdiviyên jiyanî yên serke heye, bi teybet ji bo zarokan ji ber ku pêwîstiya me bi her alîkariyên mirovî heye.”
