Dîlan Mulhim/Qamişlo
Wênesaza kurd Ehlam Xalid diyar kir ku ew bi hunere wenasaziyê ve pir girêdayî ye, xeyalên wê ew e ku pêşengiheke taybet vebike û tabiloyên taybet bi jinên kurd pêşkêş bike.
Wênesaze kurd Ehlam xalid ji bajarê Dêrikê ye, lê dema niha li bajarê Qamişlo jiyan dike. Elham di sala 1992’ an de li Dêrikê ji dayîkî bûye, zaroktiya li gund Şekirxajî yê girêdayî navçeya Dêrik jiyana kiriye. Xwendina xwe ya seretayî û navîn li Dêrikê bidawî kiriye. Herwiha beşê Wêjeya Ingilîzî li zanîngehê Şamê xwendiye, di sala di 2018’an de berî ku ji zanîngehê derbiçe dest bikarê mamostatiyê dike. Ji wê demê heta roja îro karê mamostEtiyê û wênesaziyê dike.
Di derbarê jiyan û hunera wênesaziyê, wênesaz Ehlam Xalid ji rojnameya me re axivî.
Ji zaroktiya xwe ve dest bi wênexêziyê kiriye
Ehlam Xalid anî ziman ku wê ji zaroktiya xwe ve dest bi xêzkirina wêneyan kiriye û wiha domand: “Dema ku ez bûm refa 10’an min karê wênesazî sekninad, ji ber xwendinê lê dema ku min xwendina xwe ya zanîngehê bi dawî kir, min dest bi karê wênesaziyê kir. DestpêKê min li mal dest pê kir û beyî ku ez herim perwerdeyê ez fêr bûm. Destpêkê min tabolyên xwe bi pênûsa risas xêz dikirin, min xwe li ser van tabloyan perwerde dikir û bi giştî tablo li ser kesyetan xêzdikirn. Herwiha ev zêdeyî salekê ye min dest bi xêzkirina tabloyan bi rengê zeyîtê kiriye.”
‘Wênesazî rihyetiyê dide mirov’
Ehlam Xalid da zanîn ku xêzkirin rihetiyê dide canê mirov û wiha pê da çû: “Dema ku mirov xêz
dike, mirov derbasî cîhaneke xeyalî dibe. Herwiha hin caran ez êşa van kesan di tabloyên xwe de derdixim û rihetiyê dibînim. Di heman demê de ez bi tabloyên xwe rengê jina kurd nîşan didim. Ez tevlî sê pêşengehan bûme, du pêşengeh li bajarê Qamişlo û pêşengehek li bajarê Reqayê bû, di van her sê pêşengehan de tabloyên min hatin qebûlkirin. Ji ber ku di van tabloyan de rengê jina kurd nîşan didim.”
Daxwazên Elham xalid
Wênesaza kurd Ehlam Xalid axaftina xwe wiha bidawî kir: “Daxwaza min ew ku pêşengeka min ya taybet vekim, ji bo ku zarokan perwerdê û fêrî xêzkirinê bikim. Herwiha bi taybet dixwazim ku zaokan fêrî xêzkirina tabloyên jina kurd bikim, ez dixwazim ku tabloyên min bigihêjin asta cîhanî bi taybet tabloyên ku rengê jina kurd nîşan dide. Ez hewl didim ku tabloyên xwe li pêşbixim ji bo rengê mirovî rastî derxim li pêş.”
