Dîlan Mulhim /Qamişlo
Koçberên Efrînê dan zanîn ku rewşa wan aloz e û gotin, “Em bang li hemû rêxistinên mirovî û navnetewî dikin ku alîkariya Rêveberiya Xweser bikin û bi erkê xwe yên mirovî rabin.”
Di 28`ê Mijdarê de çeteyên girêdayî dagirkeriya Tirk êrişî Şehbayê û Til Rifetê kirin, di encamê de gelê Efrînê yê li Şehbayê careke din koçber bû û berê xwe da Herêma Rêveberiya Xweser.
Di derbarê mijarê de, koçberên Şehba ku niha li Bjarê Qamişlo ne, ji rojnameya me re axivîn.
QSD’ê hêza rizgarkirina civakê ye
Jina bi navê Meyrem Şêxo anî zima ku ew li Şehbayê li kampan jiyan dikrin û wiha got: “Çeteyên girêdayî dewleta Tirk êrişî kampa me kirin û di encamê de em ji kampa Şehbayê koçber bûn. Herwiha bi alîkariya hêza QES ê em ji nava destê çeteyan hatin rizgarkirin,em derbasî bajarê Qamişlo bûn. Herwiha çeteyên dewleta Tirk dema ku em dirê de dihatin ji aliyê çeteyan ve hatin êrişîkirn û gelek welatî hatin sercêrkirin. Em bi giştî em bê tiştek ji kampê derketin, dema ku em ji Heleb diçûn Şehba çeteyan êrîşî me kirin, keç û hevjîna kurê min ket d destê çeteyan. Lê bi alîkariya hêza me QSD’ê em ji destê çeteyan hatin rizgarkirin, lewra em ji Şehbayê koçberî van herêmên bi aram bûn.”
‘Pêwîstiya me bi alîkariya mirovî heye’
Meyrem Şêxo da zanîn ku gelek nexweşî pêre hene û wiha şîrovekir: “Rewşa min ya tendurstî
nebaşe û pêwîstiya min bi derman heye. Herwiha êrişî li ser herêma me çêbûn û em koçberbûn hîn rewşa min ya tendurstî nebaştirbû. ji ber koçberiyê rewşa min nebaşe ji ber ku nexwşiya şekir bi bin re heye. Ji ber vê yekê derman ji bo min pêwîste bi taybet dermanê şekir, dermanê şekir hîn ji bo min peyda ne bûye ji ber ku dirav bi me re dînin. Ez bi hêvî me ku dermanê nexweşiya min, xwarin, şîr û pêdiviyên zarokan bi giştî peyda bibin ji bo me, ji ber rewşa me gelekî nebaş.”
Hûrguliyên koçberiyê
Koçbera ji Efrînê bi navê Selwa Elî di destpêka axaftina xwe de wiha got: ” Çeteyên dewleta Tirk di sala 2018’ an de êrişî efrînê kirin di encamê de em koçberî Şehbayê bûn. Dema ku em ji Efrînê koçber bûn em bi tena xwe derketin, herwiha mal û milkê me li wir man ji çetan re. Lê dîsa çeteyan êrişî Şehbayê kir gelek kes serjêrkirin û milet koçber bûn. Dema ku em li şehbayê bûn rewşa me baş bûn lê em bi hêvyekê ku em ê vegirin bajarê xwe Efrîn lê ew hêvî jî çû ji ber ku çetan herêma Efrîn, Heleb, Şehba bi giştî kirin bi destê xwe.”
‘Pêwîstiya me bi pêdiviyê jiyanê heye’
Selwa Elî axaftina xwe wiha bi dawî kir: “Rewşa me gelekî nebaşe û pêwîstiya me bi alîkariya heye.
Bi taybet ji aliyê xizmetguzariyê, tendurstî û bi giştî hemû pêdiviyên jiyanê ji bo me pêwîstin. Herwiha yên herî pêwîst pêdiviyên ji bo zarokan, ji ber ku gelek zarok ji berçîne û sermayê jiyana xwe ji destdan. Em bi hêvîne ku alîkarî ji bo me werê pêşkêş kirin, di dema niha de em gelekî êş û zehmetiyan dikşînin.”
