Hevseroka Buroyên Koperatîfan Cîhan Alo anî ziman ku aboriya civakî li hemberî aboriya kapîtalîst ku xwe dispêre mêtîngeriya li ser keda civakê alternatîf e û destnîşan kir ku ew dixwqazin aboriyekê ku gel têra xwe bike pêş bixin.
Paradîgmaya modernîteya demokratîk a Rêberê Gelê Kurd Abdullah Ocalan, aboriya civakî ku civak ji bo xwe têra xwe bike weke alternatîfa aboriya kapîtalîst pêşniyar dike. KapîtalîzIm bi cezakirina mirovan û çêkirina şer û qeyranên aborî armanc dike ku qezenca herî bilind bi dest bixe.
Li Bakur û Rojhilatê Sûriyê bingehê aboriya civakî ye ku civak bikaribe pêdiviya xwe tê de peyda bike. Bi aboriya ku bi piranî bi koperatîfan tê organîzekirin, rêyek xweser a ku ne girêdayî çavkaniyên derve ye tê şopandin. Hevseroka Buroya Koperatîfan a Komîteya Aboriya Civakî ya Kantona Minbicê ya Bakur û Rojhilatê Sûriyeyê Cîhan Alo xebatên wan nirxand.
Cîhan AlO diyar kir ku kapîtalîzIm, aborî nîn e, dijberî wê dijminê aboriyê ye û got ku kapîtalîzIm bihayên bazaran kontrol dike, yekdestdariyê ava dike û hewl dide berjewendiyan bi dest bixe. Cîhan Alo got ku ev pergal ne ya karkeran a xwediyên razemeniyan e, xwe dispêre berjewendiyên şexsî. Her wiha diyar kir ku kapîtalîzIm, bi krîzên aborî û xizaniyê berê civakê dide madiyatperestiyê.
Prensîbên xebata aboriya civakî
Cîhan Alo modêla aboriya civakî ya neteweya demokratîk weke; hevkariya aborî ya li ser bingeha edalet û wekheviyê hilberînê dike pênase kir û got ku ev modêl di nava xwe de azadiya jinan dihewîne û xwedî armanca parastina hawîrdorê ye. Cîhan Alo got: “Dahata ji aboriyê bi awayê adil parve dike û piştgirî dide ku jin di hemû waran de bi awayê herî çalak bixebitin. Aboriya civakî, di bingeh de xwe dispêre xebata hevpar a mirovan û ji bo pêşerojê li ser riyên debarê planan çêdike.”
Rol û serkeftinên koperatîfan
Cîha Alo diyar kir ku koperatîf, bingeha aboriya civakî ya bi rêbazên demokratîk hatiye avakirin e, teşwîqê hilberîna ku zirarê nade derdor û xwezayê dike, piştgiriyê dide qadên weke perwerde, tendirustî û parastinê. Her wiha diyar kir ku di koperatîfan de li cihê belavkirina mehaneyan, li gorî rêjeya hilberînê û dahata mehane parvekirin çêdibe û got: “Di navbera projeyên mînak de; 146 firinên nan, aşekê ku 90 kes cihê xwe di nava hilberîna wê de digrin; dermanxaneya çandiniyê ya ku 60 kes têde beşdar bûne, depoyeke xurekê ya 24 beşdarên wê hene û projeyên weke xwdîkirina mirîşkan, ajalkarî, hilberîna alif hene. Di navbera planên me yên ji bo pêşerojê de jî koperatîfa kelûpelên avahiyan, cihê şûştina wesayîdan û dermanxaneya veterîner heye.”
Aboriya civakî alternatîfa li dijî kapîtalîzmê ye
Cîhan Alo, bal kişand ser aboriya civakî ya xwe dispêre koperatîfan, ku dawî li aboriya kapîtalîst aniye û ketiye pêşiya wê û wiha bi dawî kir: “Ev modêla aborî, derfet dide ku civak bi xwe aboriya xwe bi rêve bibe û bi saya vê yekê têrkirina xwe tê armanckirin. Aboriya civakî, yek ji rêbazên pejirandina modêla neteweya demokratîk a li Bakur û Rojhilatê Sûriyeyê ye.” NÛ JINHA
