Divê ciwanên Rojhilat beşdarî gerîla bibin

Mazlûm Heftan diyar kir ku yek ji mijarên ku komploya li ser Ocalan têkbir, beşdarbûna keç û xortên Rojhilatê Kurdistanê ya nav refên gerîla bû.
Endamê Desteya Rêveber a KODAR’ê Mazlum Heftan di derbarê girîngî û xwedî derketina Rêberê Gelê Kurd Abdullah Ocalan de axivî. Mazlum got; “Çawa ku gelê Kurd bi taybet jî gelê Rojhilatê Kurdistanê di sala 1999’an de xwedî li Rêber Apo derketin û daketin qadan divê carek din jî xwedî rêberê xwe derkevin û dest bi çalakiyan bikin.”
Mazlum Heftan di dewama axaftina xwe de balkişand ser giringiya fikrê Ocalan û wiha pêde çû; “Rêber Ocalan ji bo gelê Kurd û gelê azadîxwaz, fikir û felsefeya jiyana nû û civakek nû afirandiye. Rêberek rastiye û dîrokiye. Ev fikir û îdeolojiya wî kir ku jin, ciwan, pîr û zarok bi hevre dibêjin ‘Bê Rêber Apo jiyan nabe.’ Rêber Apo nûnerê rast yê modernîteya demokratike. Li dijî vê yekê çi li Kurdistan be, çi jî li derve be li dijî vê sîstemê dijmin hemû bûne yek. Ji bo vê divê hemû kesên xwedî fikrê azad, li hember siyaseta ku li ser Rêber Apo û gelê Kurd tê meşandin derbikevin û hişyarbin.”
Heftan behsa komploya navnetewî ya li dijî Rêberê gelê Kurd Abdulah Ocalan hat kirin jî kir û got; “Yek ji mijarên ku komploya li ser Ocalan têkbir, beşdarbûna keç û xortên Rojhilatê Kurdistanê ya nav refên gerîla bû. Di roja me ya îro de jî divê bi heman rihî li Rêber Apo xwedî bê derketin. Ez daxwazê ji ciwanên Rojhilatê Kurdistanê dikim da ku tevlî nava refên gerîla bibin.”
Endamê Desteya Rêveveber a KODAR’ê Mazlum Heftan di dawiyê de wiha got; “Çawa ku di sala 1999’an de ciwan, jin, pîr û zarok ji Çaldiran heya Rusya daketin qadan û piştgiriya Rêber Apo kirin, divê îro jî bi heman awayî piştevaniya Rêber Apo bikin. Ya ku dijminên Kurdan di sala 1999’an de nekarîn bikin, îro bi awayên cuda dixwazin bikin.”…ROJNEWS