Li gorî anketeke ku li Elmanyayê hate kirin, 83 ji sedî yê beşdaran xwestin, çek ji Tirkiyê re neyê dayin. Her wiha 80 ji sedî yê Elmanan gotin, “Divê çek ji herêmên ku şer lê hene neyê şandin.”
Yek ji mijarên ku li Elmanyayê tê nîqaşkirin, firotina çekan e. Şîrketa bi navê YouGov bi rêya înternetê li ser mijarê anketek amade kir û encamên wê weşand. Piraniya beşdarên anketê mîna sendîka, partiyên mûxalefetê û tevgerê aştiyê gotin, “Divê ji herêmên bi pirsgirêk ên şer lê hene, çek neyên firotin.”
80 ji sedî yê beşdarên anketê li dij in ku çek ji herêmên şer re bên şandin. Balkêş e ku 64 ji sedî yê Elmanan gotin, “Divê Elmanya bi ti awayî ji biçekbûna dewleteke din re nebe alîkar.”
Di vê anketê de jî eşkere bû, yek ji mijarên sereke ku raya giştî ya Elman li dij derdikeve; firotinaçekan ji bo dewleta Tirk e.
83 ji sedî yê Elmanan xwestin, çek û alavên leşkerî bi ti awayî ji Tirkiyê ku endamê NATO’yê ye, neyên firotin.
Anket di navbera 16-18’ê Gulanê de hate kirin û 2026 kes tevlî bûn.
Elmanan got, “çekan nedin Tirkiyê”
