Artêşa Tirk a dagirker li Efrînê erdên ku milkiyeta wê ya sê welatiyan bû û 500 darên zeytûnan tê de hebû kirin bargeha leşkerî. Dema welatiyan serlêdan kirin da ku rê nedin bargeh were çêkirin fermandarên Tirk ji wan re gotin: “Me êrîşî Efrîn kir û dagir kir. Ma niha dibe ku em destûrê ji we bixwazin.” Li aliyê din Artêşa Tirk li gundê Bilîlko ya herêma Raco dar rakirin û rawestgeha helîkopteran çêkirin.
Çavkaniyê bi navê M.S yê ji gundê Eltane ya herêma Raco ji Ajansa Hawarê re ragîhand ku Artêşa Tirk a dagirker û çeteyên wê ji beriya hefteyekê ve 500 darên zeytûnan li rojhilatê gundê Eltaniya ji kok ve hilkirin. Li cihê wê jî bargeha leşkerî ya fireh çêkirin.”
Heman çavkanî da zanîn ku erdê dar jê hatin hilkirin yên welatiyên bi navê Mihemed Elî Qero yê ji gundê Hecî Cemal a herêma Raco, Mihyedîn Beladîo û Ehmed Salih ên ji gundê Eltaniye ne.
Çavkanî da zanîn ku dema Mihemed Elî serî li wan da dagirkeriya Tirk berdanê û dema li bajaêr Efrînê gilî kir jê re gotin: “Me êrîşî Efrînê kiriye, me herêm dagirkiriye. Ma dibe ku dema em erdên we bibin û daran rakin, destûrê ji we bixwaz in.”Li aliyê din çavkaniyan ji Efrînê ragîhandin ku Artêşa Tirk a dagirker hewl dan mala welatiyê bi navê Hesen Reşîd Bîlal ê ji gundê Hecî Xelîl ji xwe re bikin bargeh ji bo çavdêriya herêmê bikin, her wiha li rojhilatî herêma Raco li Çiyayê Mîra jî noqteyeke din çêkirin.
RAWESTGEHEK HILÎKOPTERAN ÇÊKIRIN
Çavkaniyan her wiha destnîşan kirin ku li gundê Belîlko ya herêma Raco rawestgehek ji bo helîkopteran di nava darên zeytûnan de çêkirin. di cihê çêkirina rawestgehê de bi dehan dar hilkirin.
Posta çûyî
Posta tê