Hevserokê Giştî yê HDP’ê Sezaî Temellî di çarçoveya xebatên hilbijartinê de li bajarê Tirkiyê Enqerê bi gel re civiya. Temellî bal kişand ku Desteya Bilind ya Hilbijartinê YSK jî di nav de hemû saziyên cemawerî ji bo HDP’ê têk bibin ketine nava seferberiyekê.
Xebatên hilbijartinê yên Partiya Demokratîk a Gelan (HDP) yên 24’ê Hezîranê dewam dike. Hevserokê Giştî yê HDP’ê Sezaî Temellî li Enqerê bi gel re civiya. Temellî diyar kir ku HDP a dengê heqîqetê ye bi domdarî dengê xwe li her derê bilind dike û got: “Em bi hev re bi berxwedana rûmetê ya gelê Kurd, kedkarên Tirkiyê, bi têkoşîna yên li dijî şer, bi hev re benda li pêşiya aştiyê bûye asteng hilweşînin.” Temellî bibîr xist ku namzetê serokkomariyê yê HDP’ê Demîrtaş bi awayekî bê hiqûqî tê ragirtin.
Temellî bal kişand ser berdana Demîrtaş û got: “Em li vir carekî din bang li YSK’yê dikin, li gorî rêziknameya xwe tevbigerin û bi lezgîn Demîrtaş berdin. Demîrtaş namzetê Tirkiyê ye. Namzetên HDP’ê jî namzetên Tirkiyê ne. HDP partiya Tirkiyê ye. Ji bo hilweşandina vê bendê û pêşiya demokrasiyê li Tirkyê bê vekirin em 24 saetan kar dikin.
Hevserokê Giştî yê HDP’ê Sezaî Temellî bibîr xist ku hilbijartina 24’ê Hezîranê fersendeke û diyar kir ku YSK jî di nav de hemû saziyên cemawerî ji bo HDP’ê bixin bûne seferber. Temellî ji bo xwedîderketina li sindoq û dengan bang li erkdarên sindoq û muşahîdan kir û got: “Ji bo bûna erkdarên sindoqan, ji bo bûna muşahîd herî dawî 2 roj mane. Divê em van du rojan baş binirxiînin. Ji bo dengên me ne dizin. Divê her kes xwedî li dengê xwe derkeve. Em ê li gel hemû namzetên xwe, hemû teşkîlata xwe, pêkhate û saziyên li gel îtifaq pêk anî û gelê xwe, 24’ê Hezîranê benda hilbijartinê hilweşînin.”
Posta çûyî