Pirtûka Sakîne Cansiz hate nasandin

Îngilîziya pirtûka Sakîne Cansiz a bi navê “Jiyana min timî şer bû” (Sara My Whole Life Was a Struggle), roja 29’ê Gulanê li paytexta Îngilîstan Londonê bi civînekê hate nasandin.
Civîna danasînê ji aliyê YXK û Roj Women ve hate organîzekirin û wergêra pirtûkê Janet Bill, rojnamevan Ulkem Zeremya û nûnera weşanxaneya Pluto Press ku pirtûk çap kir, tevlî civînê bûn. Janet Bill qala agahiyên kronolojîk ên di bergê destpêkê yê pirtûka “Jiyana min timî şer bû” kir û got, Sakîne Cansiz jineke berxwedêr bû.
Rojnamevan Ulkem Zeremya jî diyar kir ku pirtûk hem biyografiyeke şexsî ye, hem jî dîroka Tevgera Azadiyê ya Kurd e. Zeremya Cansiz şiband çemekî timî diherike û got, ew rêbereke dîroka jinê bû. Zeremya işaret bi berxwedana Cansiz a li hemberî cûntakarên 12’ê Îlonê kir û destnîşan kir ku di bingeha têkoşîna Cansiz de edalet, jiyaneke wekhev, maf û azadî heye.
Di dema civînê de li standa Pluto Pressê pirtûk hate firotin û wergêr Janet Bill jî îmze kir.