Şervana bi navê Amara Alîna ya ji Efrînê diyar kir armanca wan rizgarkirina şêniyên herêmê, tunekirina terorê û bidawîkirina koletiya jinan li Sûriyê ye. Her wiha Amara da zanîn ku ew ê bi rihê fedayî Efrînê jî rizgar bikin.
20’ê Çileyê salvegera yekemîn a destpêkirina Berxwedana Serdemê li dijî dagirkeriya Tirk e.
Şervana YPJ’ê ya bi navê Amara Alîna li rex bi hezaran jinên ciwan tev li YPJ’ê bûye û niha cihê xwe di Pêngava Bagera Cizîrê de digire.
Amara li ser armanca xwe ji tevlêbûna Pêngava Bagera Cizîrê axivî û destnîşan kir ku bi armanca rizgarkirina şêniyên Dêrazorê yên ku ev 4 sale ji zilma DAIŞ’ê êşê dikişînin ew tev li pêngavê bûye û wiha got: “Armanca me tunekirina terorê û azadiya gel e.”
Amara destnîşan kir ku ew wek YPJ ji bo bidawîkirina koletiya jinan ya li Sûriyê ew têkoşînê dikin.
Amara behsa bajarê xwe Efrînê kir û ev tişt anî ziman: “Niha em çeteyên DAIŞ’ê di navenda wan a dawîn de tune dikin. Bi heman rihê fedayî em ê Efrînê jî rizgar bikin.”…ANHA