Parêzer Selûmî El-Hisên dewleta Tirk wek gardiyan bi nav kir û diyar kir ku dewletên kapîtalîst Rêber Ocalan li Tirkiyê digirin.”
Parêzer Selûmî El-Hisên tecrîda girankirî ya ku dewleta Tirk ji zêdetirî 2 salan ve li ser Rêber Ocalan nirxand û diyar kir Tirkiyê bi pêkanîna tecrîdê pîvanên navnetewî binpê dike.
El Hisên diyar kir ku li gor qanûnên Rêxistina Efûyê ya Navnetewî mafê hemû girtiyan heye ku bi malbat û parêzerên xwere hevdîtinê pêk bîne.
El-Hisên wiha got: “Siyasî be an ne siyasî be mafê girtiyan heye ku bi derve re hevdîtinê bikin. Lê dewleta Tirk bi siyaseta Tecrîdê vî mafî binpê dike û hemû qanûnên navnetewî tune dihesibîne.”
Selûmî El-Hisên, destnîşan kir ku dewleta Tirk hewl dide bi rêya tecrîdê Ocalan ji civakê qut bike û gelên azadîxwaz parçe bike û wiha dewam kir: “Rêber Ocalan ji aliyê dewletên kapîtalîst ên cîhanî ve girtî ye, dewleta Tirk tenê rola gardiyaneyê dilîze. Ji ber ku ev dewletên fikrên Ocalan yên demokratîk, biratiya gelan û jiyana hevbeş wekî xetereyekê li ser sîstema xwe dibînin. Hikumeta Erdogan a terorîst rêzê ji qanûnên navdewletî yên mafên girtiyan re nagire.”
Parêzer Selûmî El-Hisên bang li rêxistinên mirovî, bi taybet Rêxistina Efûyê ya Navdewletî kir ku zextê li Tirkiyê bike da ku destûr bidin parêzer û malbatan ku hevdîtinan bi Ocalan re bikin û civak ji rewşa Ocalan agahdar bibe…ANHA
